10 September 2026, 13:21
Nga I.A
SPAK
TIRANË- Një aksion i përbashkët ka ghoditur një rrjet mashtrimi shqiptare përmes 'Call Center-it'. SPAK, në bashkëpunim me Prokurorinë e Bambergut në Gjermani dhe Policinë e Shtetit, ka ekzekutuar 8 masa sigurie ndaj anëtarëve të dyshuar të një grupi të strukturuar kriminal që operonte përmes një call center-i në Tiranë.
Mësohet se hetimet kanë zbuluar një skemë mashtrimi ndaj shtetasve gjermanë dhe të tjerë evropianë, të cilët joshnin të investonin paratë e tyre në platforma të rreme investimesh. Gjykata e Posaçme ka caktuar masën “arrest me burg” për A.Gj., G.Sh. dhe E.P., ndërsa F.Gj., K.B. dhe I.Gj. janë vendosur në “arrest në shtëpi”. Për O.Gj. dhe Dh.L. është caktuar masa “detyrim për t’u paraqitur në policinë gjyqësore”.
Sipas hetimeve, operatorët e kompanisë “Bluenergycall shpk”, me seli në Rrugën e Kavajës në Tiranë, kontaktonin shtetas të huaj dhe i bindnin të investonin kursimet në bursa ndërkombëtare. Paratë transferoheshin në llogari bankare në Bullgari, Lituani, Poloni dhe Qipro, për t’u zhvendosur më pas përmes transfertave të njëpasnjëshme ose për t’u konvertuar në kriptovaluta.
Hetuesit kanë identifikuar dy adresa IP që lidhen drejtpërdrejt me aktivitetin e call center-it në Tiranë. Hetimi vijon pas dërgimit për gjykim të pronarit dhe specialistit IT të subjektit, ndërsa veçimi i dosjes ka çuar në identifikimin e operatorëve dhe bashkëpunëtorëve të tjerë të dyshuar.
Njoftimi i Plotë:
Prokuroria e Posaçme kundër Korrupsionit dhe Krimit të Organizuar, në vazhdim të punës hetimore lidhur me procedimin penal nr.300/1 të vitit 2021, në kuadër të Skuadrës së Përbashkët Hetimore me Prokurorinë e Bambergut Gjermani, ekzekutoi 8 nga 11 masat e sigurisë ndaj shtetasve shqiptarë, të dyshuar si pjesëtarë të një grupi të strukturuar kriminal, që merrej me veprimtarinë e paligjshme të mashtrimit kompjuterik përmes shitjeve online.
Masat e sigurisë janë ekzekutuar, të mërkurën më 9.9.2026 nga Drejtoria e Përgjithshme e Policisë së Shtetit, Drejtoria për Hetimin e Krimit të Organizuar, si rezultat i veprimeve hetimore të nisura pas kontrolleve dhe sekuestrimeve të pajisjeve elektronike, më 16.3.2022, në subjektin, qendra e thirrjeve “Bluenergycall shpk”, (Njësia Bashkiake nr.7, rruga e Kavajes, Condor Center, Tiranë).
Masat e sigurimit të ekzekutuara janë si vijon:
Gj, G.Sh dhe E.P – “Arrest me burg”, si persona të dyshuar për kryerjen e veprës penale;“Mashtrim kompjuterik”, në bashkëpunim, në dëm të disa personave, në formën e grupit të strukturuar kriminal, “Grup i struktuar kriminal”, “Kryerje e veprave penale nga organizata kriminale dhe grup i strukturuar kriminal”, parashikuar nga nenet 143/b/2, 28/4, 333/a/2 dhe 334/1 të Kodit Penal.
Gj. K. B. dhe I.G – “Arrest në shtëpi”, parashikuar nga neni 237 i Kodit të Procedurës Penale, të dyshuar për vepren penale të “Mashtrimit kompjuterik”, në bashkëpunim, në formën e grupit të strukturuar kriminal, “Grup i struktuar kriminal”, “Kryerje e veprave penale nga organizata kriminale dhe grupi i strukturuar kriminal”, parashikuar nga nenet 143/b/1, 28/4, 333/a/2 dhe 334/1 të Kodit Penal.
Gj dhe Dh.L – “Detyrim për t’u paraqitur në policinë gjyqësore”, parashikuar nga neni 234 i K.Pr.Penale, si të dyshuar për veprat penale të “Mashtrim kompjuterik”, në bashkëpunim, parashikuar nga nenet 143/b paragrafi 2 të Kodit Penal.
Prokuroria e Posaçme kundër Korrupsionit dhe Krimit të Organizuar e regjistroi procedimin penal nr.300, më datë 9.12.2021 për veprat penale: “Mashtrim kopjuterik”, të kryer në bashkëpunim në formën e grupit të strukturuar kriminal, parashikuar si vepër penale nga nenet 143/b, 28/4, 333/a dhe 334 të Kodit Penal.
Mbi bazën e kërkesës për ndihmë juridike të autoriteteve gjermane të drejtësisë, përkatësisht, Zyrës së Prokurorisë së Përgjithshme Bamberg dhe në zbatim të Vendimeve të Gjykatës së Posaçme kundër Korrupsionit dhe Krimit të Organizuar (GJKKO) më 16.3.2022 janë kryer kontrolle në ambjentet e subjektit “Bluenergycall shpk” dhe subjekteve të lidhura me të.
Skema e mashtrimit
Nga provat materiale të sekuestruara dhe nga aktet e fashikullit të procedimit penal nr.300 të vitit 2021, të përpunuara në bashkëpunim me autoritetet gjyqësore gjermane, ka rezultuar se shtetasit gjermanë dhe shtetasë të tjerë europianë ftoheshin nga agjentët e “Bluenergycall shpk” për të investuar në bursa ndërkombëtare përmes depozitimit të parave në platforma mashtruese. Depozitimet e parave bëheshin në llogari bankare të vendeve të ndryshme si; Bullgari, Lituani, Poloni, Qipro etj, në vende të tjera europiane dhe më gjerë dhe më pas zhdukeshin përmes transfertave të njëpasnjëshme ose konvertimit në kriptovalutë. Gjithashtu është vërtetuar se mashtrimet janë kryer përmes dy adresave IP, të përdorura nga subjekti “Bluenergycall shpk”, në Shqipëri. Gjatë kontrollit të kryer në datë 16.3.2022, janë ekstraktuar të dhënat elektronike të drejtpërdrejta që janë analizuar nga autoritetet gjermane të drejtësisë dhe konkretisht, nga Zyra e Prokurorisë së Përgjithshme Bamberg për krimet kibernetike.
Në kuadër të këtij hetimi, Prokuroria e Posaçme ka dërguar fillimisht për gjykim pronarin, IT-në e qendrës së thirrjeve, “Bluenergycall shpk”, të akuzuar për kryerjen e veprës penale; “Mashtrim kompjuterik”, në bashkëpunimin, në formën e grupit të strukturuar kriminal, “Krijimit dhe pjesëmarrjes në grup të strukturuar kriminal”, parashikuar nga nenet 143/b/2, 28/4, 333/a/1 dhe 334/1 të Kodit Penal, si dhe 11 shtetasë të tjerë, të akuzuar vetëm për kryerjen e veprës penale: “Pjesëmarrje në grupin e strukturuar kriminal”, parashikuar nga neni 333/a, paragrafi i dytë i Kodit Penal. (shiko njoftimin datë 16.6.2023)
Hetimet për personat e paidentifikuar, të përfshirë në këtë veprimtarinë vazhduan në kuadër të procedimit të ndarë 300/1 të vitit 2021. Masat sigurimit të ekzekutuara ditën e djeshme, janë rezultai i një pune voluminoze për analizimin e hollësishëm të të dhënave komputerike, të krahasuara edhe me prova të tjera fizike, si edhe kontrolleve të përmendura më sipër, përmes të cilëve është mundësuar identifikimi i anëtarëve të tjerë të grupit të strukturuar kriminal./Dosja.al
call center spak
Politike
10 September 2026, 13:16
Manja dhe Korreshi
TIRANË- Deputeti i Partisë Demokratike, Saimir Korreshi, është përplasur me kryetarin e Komisionit të Ligj...
Politike
10 September 2026, 13:12
I.A
Nancy VanHorn dhe Gazment Bardhi
TIRANË- Kreu i Grupit Parlamentar të PD-së, Gazment Bardhi është takuar me të Ngarkuarë...
Politike
10 September 2026, 13:02
I.A
Erion Veliaj
TIRANË- Prokuroria e Posaçme ka refuzuar kërkesën e bërë nga avokatët e huaj të kreut të B...
Politike
10 September 2026, 12:44
I.A
Edi Rama
TIRANË- Kryeministri Edi Rama ka reaguar pas kallëzimit penal që gjyqtarët kanë depozituar në SPAK ndaj ministrit t&...
Politike
10 September 2026, 11:17
I.A
Kimberly West
HAGË- Kryeprokurorja e Specializuar, Kimberly West ka paraqitur deklaratat e saj gjatë seancës së deklaratave përfun...
Politike
10 September 2026, 10:48
I.A
Sokol Sadushi
TIRANË- Kreu i Gjykatës së Lartë, Sokol Sadushi, ka kërkuar sqarime se cila është paga që ...
Politike
10 September 2026, 10:35
I.A
Sokol Sadushi
TIRANË- Kreu i Gjykatës së Lartë, Sokol Sadushi ka deklaruar se bllokimi i pagave nuk është më vetëm ...
Politike
10 September 2026, 10:04
I.A
Ilir meta
TIRANË- Komiteti Shqiptar i Helsinkit i ka kërkuar sqarime drejtorisë së burgut “Jordan Misja” lidhur me pretendi...
Politike
10 September 2026, 08:35
I.A
Hashim Thaci
HAGË- Në Dhomat e Specializuara të Kosovës në Hagë sot fillon shpalosja e deklaratave përmbyllëse n&eu...
Politike
9 September 2026, 23:08
E.d
Edi Rama
TIRANA- Kryeministri i vendit, Edi Rama i është përgjigjur Partisë Demokratike Europiane, pasi këta të fun...