4 November 2026, 19:10
Nga E. D

TIRANË- Kryebashkiaku i arrestuar, Erion Veliaj, ka folur në shënimet e tij nga qelia edhe për urdhërin që mori nga kryministri Edi Rama, për t'ia deleguar Bashkinë e Tiranës Arbër Hajdarit. Me ironi, Veliaj thotë se Arbri nuk është djalë i keq, por delegimin nuk e bën.
Në një pjesë të "ditarit", Veliaj flet edhe për avokatin e tij Plarent Ndrecën, duke shpjeguar marrëdhënien e krijuar mes tyre dhe duke thumbuar socialistët e tjerë. Veliaj iu drejtohet socialistëve me pyetjen se pse nuk shkoi asnjë tajojë në qeli dhe shtron pyetjen në nëse nuk i la udhëheqësi të shkojnë në burg dhe ta takojnë nga afër.
Pjesë nga "ditari" i Veliajt:
– Nuk e delegoj BT. E delegova 18 muaj. Mandatin ma dha GJK dhe populli i majtë e qytetar 160 mijë vota
– 0 shkolla
– 0 pemë të mbjella
– 0 investime të reja
– 0 vendime të rëndësishme
– 0 kredi të lëshuara, madje humbëm dhe Katarin te Bulevardi Ri, dhe BEI te Lana
– Në pak javë që e mora u zhbllokuan 6 shkolla në shtator, +1500 kredi të buta
– Jo se jam më i afti, po se jam zgjedhur, ndaj dhe më i përgjegjshëm
– KM premtoi do merrej vetë, po plehrat u bënë mullar, ikën socialistët dhe sollët Dash Sulën e vogël që vinte gjoba. Pse mbaruan njerëzit që sollën fitoret me PS?
– Riktheva Bashkinë te Socialistët e qytetarët; Etleva 24 karat socialiste e jona, e ndershme e aftë.
– Sadi ish prefekt e deputet socialist, me kontribute si tironc e në PS.
– Sarën që fëmijë e kam pasur në FRESSH – ka dhënë vitet më të mira në PS+BT
– PS nuk rritet nga skorjet që hedh saliu, po nga promovimi i të rinjve brenda e jashtë PS
– Ndaj hajt ta promovojmë Arbrin, s’është djalë i keq, por delegimin nuk e bëj më
– Fool me once, shame on you, Fool me twice, shame on me
Pasditen e 28 tetorit Veliaj u transferua papritur nga paraburgimi i Durrësit në qelitë e burgut të Fierit me vendim të Drejtorisë së Përgjithshme të Burgjeve. Transferimi i tij ka shkaktuar reagime dhe polemika të shumta, si dhe një "luftë" brenda socialistëve. Transferimin nga qelia e Durrësit në Fier, Veliaj e cilësoi si një “rrëmbim policor” pasi nuk ishte njohur me aktin që urdhëronte transferimin dhe arsyet e lidhura me këtë vendim. Nga ana tjetër, Drejtoria e Burgjeve tha se urdhri i transferimit është firmosur sipas procedurave, por dokumenti është klasifikuar “sekret shtetëror”, ndaj nuk mund të bëhet publik jashtë kushteve të parashikuara në ligj.
Transferimi i Veliajt ka sjellë një "luftë" mes tij dhe Kryeministrit Edi Rama. E gjitha u bë publike, pasi Ministri i Drejtësisë, Toni Gogu, pranoi se ka zhvilluar takim me Veliajn në burgun e Fierit në mënyrë të fshehtë, por mohoi që t'i ketë përcjellë mesazhe kërcënuese nga kryeministri Edi Rama, të cilat ishin raportuar në media. Gogu tha se takimi është zhvilluar të premten, në kuadër të përgjegjësive të tij si ministër i Drejtësisë. Sipas tij, vizita kishte për qëllim njohjen me kushtet e trajtimit të Veliajt dhe dëgjimin e ankesave të ngritura publikisht nga avokati i tij, Plarent Ndreca. Por Veliaj tregoi një anë tjetër të takimit, duke konfirmuar mesazhet kërcënuese që ka marrë dy ditë më parë nga Kryeministri Edi Rama nëpëmjet Ministrit Toni Gogu.
Sipas versionit të Veliajt, gjatë takimit të zhvilluar të premten në orën 22:30, Gogu i ka komunikuar disa kërkesa që lidhen me pranimin e përfshirjes në protestat, heqjen dorë nga drejtimi i Bashkisë së Tiranës dhe delegimin te Arbër Hajdari, si dhe ndërprerjen e këshillimit me avokatin Plarent Ndreca. Në letrën e publikuar nga kryebashkiaku, thuhet gjithashtu se mospranimi i këtyre kërkesave mund të sillte rëndimin e pozitës së tij ligjore dhe përballjen me akuza të tjera. Po ashtu, Veliaj ka mohuar kategorikisht lidhjen me protestat dhe i ka kërkuar kryeministrit të paraqesë prova për këto pretendime. Ai ka theksuar se nuk do të heqë dorë nga dinjiteti i tij, pavarësisht situatës në të cilën ndodhet./Dosja.al
Erion Veliaj
Politike
4 November 2026, 18:28
E. D
TIRANË- Kryebashkiaku i Tiranës, Erion Veliaj, ka reaguar me tone të ashpra ndaj kryeministrit Edi Rama, duke shprehur kundërshtimin e tij ...
Politike
4 November 2026, 17:43
E. D
BRUKSEL- Raporti i Progresit për Shqipërinë i publikuar nga Komisioni Evropian vlerson zhvillimet në sektorin ekonomik dhe financiar, ...
Politike
4 November 2026, 16:59
E. D
TIRANË- Shtetet e Bashkuara të Amerikës kanë investuar më shumë se 40 milionë dollarë për forcimin e mbrojtje...
Politike
4 November 2026, 16:55
E. D
Marta Kos
BRUKSEL- Komisionerja Evropiane për Zgjerimin, Marta Kos, ka folur për procesin e anëtarësimit të Shqipërisë...
Politike
4 November 2026, 16:49
G.M
Gazmend Bardhi
TIRANA- Kreu i Grupit Parlamentar të Partisë Demokratike, Gazment Bardhi, ka reaguar lidhur me raportin e Komisionit Europian pë...
Politike
4 November 2026, 15:57
E. D
Plarent Ndreca
TIRANË- Avokati Plarent Ndreca ka ndarë detaje nga takimi me kryebashkiakun Erion Veliaj, i cili ndodhet në spitalin e bur...
Politike
4 November 2026, 15:49
E. D
Andreas Schieder
BRUKSEL- Eurodeputeti Andreas Schieder, e ka cilësuar si historik procesin e zgjerimit të BE-së në vendet e Ballkani...
Politike
4 November 2026, 15:40
E. D
Ilaria Salis
BRUKSEL- Eurodeputetja Ilaria Salis ka bërë thirrje që zëri i protestuesve në Shqipëri të dëgjohet dhe ...
Politike
4 November 2026, 15:35
E. D
Tineke Strik
BRUKSEL- Eurodeputetja holandeze, Tineke Strik, ka folur për protestat në Shqipëri, ku i bëri thirrje Marta Kos, se Bash...
Politike
4 November 2026, 15:12
I.A
Foto Ilustruese
STRASBURG- Komisioni Europian kërkon nga institucionet shqiptare përdorimin më të gjerë të masave alternative nd...