Berisha: Do të ngremë një agjenci kombëtare që do të merret me pronat e krimit dhe pronat e paligjshme të politikan&e...
Aktualitet
Shmanget tragjedia në Libohovë/ Kërcënoi bashkëshorten se do ta vriste dhe qëlloi me armë në ajër, arrestohet 40-vjeçari pas 2 orësh negociata me policinë (EMRI)
Pas marrjes së njoftimit, policia organizoi operacionin për kapjen e tij.
22 November 2026, 13:17Nga G.M
pamje
LIBOHOVË- 40-vjeçari Tefik Beqo, është arrestuar në Libohovë, pasi dyshohet se pas një konflikti me bashkëshorten e ka kërcënuar me armë zjarri dhe më pas është larguar me automjet, duke qëlluar në ajër. Pas marrjes së njoftimit, policia organizoi operacionin për kapjen e tij.
Pas rreth dy orësh e 30 minutash negociata, efektivët arritën ta neutralizonin dhe arrestonin në flagrancë. Gjatë ndërhyrjes u sekuestrua arma automatike, e cila kishte fishekë në folenë e saj, si dhe një krehër me municion. I arrestuari rezulton me precedentë penalë të mëparshëm.
NJOFTIMI:
Libohovë/Ndërhyrja e menjëhershme e Policisë parandalon një ngjarje të rëndë kriminale në një familje. Kanosi bashkëshorten se do ta vriste me armë zjarri automatike dhe qëlloi në ajër, pas një konflikti për motive të dobëta, vihet në pranga 40-vjeçari, me precedent të mëparshëm penal.
Pas rreth 2 orësh e 30 minutash negociatash me Policinë, u bë i mundur neutralizimi dhe arrestimi i tij. Sekuestrohen arma e zjarrit automatike, me fishekë në folenë e fishekut, si dhe krehëri me municionin përkatës. Pas marrjes së njoftimit se mbrëmjen e djeshme, në Libohovë, një shtetas po kërcënonte për jetën bashkëshorten e tij, duke qëlluar me armë zjarri në ajër, shërbimet e Komisariatit të Policisë Gjirokastër, të Stacionit të Policisë Dropull-Libohovë dhe të Forcës së Posaçme “Shqiponja” organizuan menjëherë punën për parandalimin e një ngjarjeje të mundshme kriminale dhe arrestimin e autorit.
Si rezultat i veprimeve të shpejta dhe negociatave të zhvilluara nga shërbimet e Policisë, u finalizua operacioni policor “Reagimi”, si rezultat i të cilit u bë i mundur neutralizimi dhe arrestimi në flagrancë i shtetasit T. B., 40 vjeç, banues në Libohovë, me precedent të mëparshëm penal.
Ky shtetas, pas një konflikti me bashkëshorten e tij, e kishte kanosur se do ta vriste me armë zjarri automatike dhe më pas ishte larguar me automjet, duke qëlluar me armë zjarri në ajër. Gjatë ndërhyrjes për neutralizimin e tij, arma e zjarrit automatike u konstatua me fishekë në folenë e fishekut, si dhe me krehërin me municionin përkatës. Arma dhe krehëri me municion u sekuestruan në cilësinë e provës materiale. Materialet iu referuan Prokurorisë për veprime të mëtejshme/Dosja.al