22 November 2026, 08:06
Nga G.M

Orë të tëra pritjeje, frustrim në rritje dhe ministra që po largohen nga konferenca: përpjekjet për të arritur një marrëveshje të pranueshme në Konferencën e OKB-së për Klimën në Antalia po rezultojnë jashtëzakonisht të vështira. Edhe pas një zgjatjeje prej më shumë se 24 orësh, pasditen e së shtunës delegacionet vazhdonin të negocionin për tekstin përfundimtar të vendimeve.
Për shkak të mosmarrëveshjeve lidhur me lëndët djegëse fosile, që konsiderohen shkaktari kryesor i ngrohjes globale, komisari i BE-së për klimën, Wopke Hoekstra, nuk e përjashtoi më mundësinë e dështimit të COP31. "Po përpiqemi të arrijmë atë që është e domosdoshme për mbrojtjen e klimës”, tha Hoekstra për agjencinë franceze të lajmeve AFP. "Dhe nëse kjo nuk është e mundur, atëherë nuk do të ketë marrëveshje.” Komisioneri evropian nuk pranoi të komentonte se sa të mëdha janë gjasat për një marrëveshje ose për dështimin e konferencës. Megjithatë, ai theksoi se Bashkimi Evropian "nuk do të heqë dorë lehtë”.
Disa ministra u larguan të zhgënjyer
Në konferencën e klimës, gati 200 shtetet pjesëmarrëse duhet t'i miratojnë vendimet me konsensus. Siç ndodh zakonisht në konferencat COP, nuk u arrit një përfundim brenda afatit të parashikuar të premten në mbrëmje. Megjithatë, fakti që presidenca turke e COP-it dhe drejtuesit australianë të negociatave nuk kishin paraqitur ende një draft të dakordësuar të tekstit përfundimtar deri të shtunën pasdite, shkaktoi zhgënjim dhe frustrim te shumë delegacione.
Disa anëtarë të delegacioneve, mes tyre ministrja franceze e Mjedisit dhe Klimës si edhe homologja e saj nga Holanda, nisën udhëtimin e kthimit drejt vendeve të tyre, duke ua lënë stafit të tyre detyrën për t'i çuar negociatat deri në përfundim. Ministri gjerman i Mjedisit, Carsten Schneider, kishte deklaruar më herët se ai kishte "kohë deri të dielën”. I pyetur nëse deklarata përfundimtare do të përfshijë një angazhim për t'u larguar gradualisht nga përdorimi i lëndëve djegëse fosile, Schneider u përgjigj: "Shpresoj. Nuk e di. Do të shohim.”
Rikthim pas standardeve të vitit 2023?
"COP31 ka hyrë në fazën vendimtare”, tha eksperti i klimës i Oxfam-it, Jan Kowalzig. "Pas dyerve të mbyllura, Turqia dhe Australia po përpiqen tani, përmes diplomacisë ndërmjetëse, të afrojnë qëndrimet e grupeve kryesore të vendeve dhe të hartojnë vendimin kryesor të konferencës.”
Sipas tij, Bashkimi Evropian duhet të tregojë më shumë fleksibilitet në çështjen e ndihmës klimatike për vendet e Jugut Global, në mënyrë që të krijojë një aleancë më të gjerë mes grupeve të ndryshme të shteteve. "Kjo do të ndihmonte në izolimin e vendeve që po bllokojnë marrëveshjen për heqjen dorë nga lëndët djegëse fosile, deri në pikën kur ato të detyrohen të heqin dorë nga kundërshtimi i tyre”, tha Kowalzig.
BE-ja dhe disa vende të tjera kritikuan ashpër faktin që në draftin e rishikuar të vendimit, të publikuar të enjten pasdite, nuk përfshihej më angazhimi për një largim global nga lëndët djegëse fosile. Sipas tyre, kjo do të përbënte një hap prapa krahasuar me vitin 2023, kur në COP28 në Dubai u arrit për herë të parë një angazhim i qartë për t'u larguar gradualisht nga qymyri, nafta dhe gazi./DW
COP31
Bota
22 November 2026, 08:04
G.M
Gadi Eisenkot
IZRAEL- Politika izraelite ka hyrë në një fazë të re negociatash pas zgjedhjeve parlamentare të fundit t&e...
Bota
22 November 2026, 08:00
G.M
pamje
MEKSIKË- Një operacion i madh i forcave speciale meksikane kundër një prej organizatave më të fuqishme të trafikut t&...
Bota
22 November 2026, 07:55
G.M
Fordow
SHBA- Pas 15 vitesh përgatitjesh, ndryshimesh të minutës së fundit dhe 37 orësh fluturim pa ndërprerje, pilotë...
Bota
22 November 2026, 07:50
G.M
Emmanuel Macron
FRANCA- Presidenti francez Emmanuel Macron po shqyrton mundësinë e ndryshimit të Kushtetutës për të vendo...
Bota
22 November 2026, 07:48
G.M
Foto ilustruese
GUATEMALË- Një trafikant i dyshuar meksikan i drogës, i kërkuar nga autoritetet amerikane për lidhje me një orga...
Bota
22 November 2026, 07:42
G.M
pamje
INDONEZI- Një zjarr masiv ka përfshirë një fabrikë ëmbëlsirash në Indonezi, duke shkaktuar të pakt&e...
Bota
22 November 2026, 07:29
G.M
foto ilustruese
SHBA- Një tjetër grup prej 25 migrantësh të deportuar nga Shtetet e Bashkuara ka mbërritur në Liberi, n&e...
Bota
22 November 2026, 07:28
G.M
Donald Trump
SHBA- Presidenti amerikan Donald Trump ka reaguar lidhur me sulmin e dyshuar kibernetik ndaj Byrosë Federale të Hetimit (FBI), d...
Bota
21 November 2026, 23:03
E.d
Aleksandër Vuçiç
SERBI- Aleksandër Vuçiç ka paralajmëruar se Partia Progresive Serbe mund të mos marrë ...
Bota
21 November 2026, 22:43
E.d
EVROPA- Mijëra qytetarë kanë dalë në rrugët e disa vendeve evropiane për të protestuar kundër rritjes së &cce...