18 November 2026, 16:22
Nga E. D

TIRANË- Avokati i Erion Veliajt, Plarent Ndreca, ka reaguar lidhur me gjendjen shëndetësore të klientit të tij, duke ngritur shqetësime për vonesën në marrjen e dokumentacionit mjekësor dhe kryerjen e ndërhyrjes kirurgjikale të rekomanduar nga mjekët. Sipas avokatit, pas dy javësh kërkesash të vazhdueshme, vetëm ditën e sotme Spitali Memorial ka vënë zyrtarisht në dispozicion grafitë dhe rezonancën magnetike të këmbës së Veliajt.
Ndreca thotë se një grup mjekësh nga Drejtoria e Përgjithshme e Burgjeve dhe Spitali Memorial kanë kryer ekzaminimin e tij, duke arritur në të njëjtin përfundim me mjekun turk, i cili rreth dy javë më parë kishte rekomanduar ndërhyrje kirurgjikale. Në reagimin e tij, ai thekson se për dy javë nuk është kryer operacioni dhe se, përveç medikamenteve kundër dhimbjes, Veliaj nuk ka marrë trajtim tjetër për problemin në këmbë.
Avokati thotë gjithashtu se gjatë kësaj periudhe mbrojtjes i është mohuar në praktikë aksesi në dokumentacionin e plotë mjekësor, pavarësisht kërkesave të përsëritura. Duke ngritur pikëpyetje mbi përgjegjësinë për këtë vonesë, Ndreca kërkon të sqarohet nëse pritja dyjavore ka ndikuar në përkeqësimin e gjendjes shëndetësore të Veliajt dhe kush do të mbajë përgjegjësi për pasojat e mundshme.
Reagimi i plotë Avokati Ndreca:
Pas dy javësh kërkesash të vazhdueshme për të siguruar dokumentacionin mjekësor të Erion Veliajt, vetëm sot Spitali Memorial ka vënë zyrtarisht në dispozicion grafinë dhe rezonancën magnetike të këmbës së tij. Po sot, një grup mjekësh nga Drejtoria e Përgjithshme e Burgjeve dhe Spitali Memorial kanë ekzaminuar Veliajn, duke arritur në të njëjtin përfundim me mjekun turk, i cili rreth dy javë më parë kishte rekomanduar ndërhyrje kirurgjikale.
Pra, u deshën dy javë për të konfirmuar atë që ishte konstatuar që në fillim: Veliaj kishte nevojë për operacion! Gjatë këtyre dy javëve, ndërhyrja kirurgjikale nuk është kryer dhe, përveç qetësuesve të dhimbjes, Veliaj nuk ka marrë trajtim tjetër për këmbën. Ndërkohë, mbrojtjes i është mohuar në praktikë aksesi në dokumentacionin e plotë mjekësor, pavarësisht kërkesave të përsëritura.
Dy javë të humbura për një këmbë që kishte nevojë për ndërhyrje kirurgjikale! Kush mban përgjegjësi për këtë vonesë? A ka sjellë ajo përkeqësim të gjendjes së këmbës dhe kush do të përgjigjet për pasojat e mundshme? Privimi nga liria nuk mund të nënkuptojë privim nga kujdesi shëndetësor në kohën e duhur.
Pasditen e 28 tetorit Veliaj u transferua papritur nga paraburgimi i Durrësit në qelitë e burgut të Fierit me vendim të Drejtorisë së Përgjithshme të Burgjeve. Transferimi i tij ka shkaktuar reagime dhe polemika të shumta, si dhe një "luftë" brenda socialistëve. Transferimin nga qelia e Durrësit në Fier, Veliaj e cilësoi si një “rrëmbim policor” pasi nuk ishte njohur me aktin që urdhëronte transferimin dhe arsyet e lidhura me këtë vendim. Nga ana tjetër, Drejtoria e Burgjeve tha se urdhri i transferimit është firmosur sipas procedurave, por dokumenti është klasifikuar “sekret shtetëror”, ndaj nuk mund të bëhet publik jashtë kushteve të parashikuara në ligj.
Transferimi i Veliajt ka sjellë një "luftë" mes tij dhe Kryeministrit Edi Rama. E gjitha u bë publike, pasi Ministri i Drejtësisë, Toni Gogu, pranoi se ka zhvilluar takim me Veliajn në burgun e Fierit në mënyrë të fshehtë, por mohoi që t'i ketë përcjellë mesazhe kërcënuese nga kryeministri Edi Rama, të cilat ishin raportuar në media. Gogu tha se takimi është zhvilluar të premten, në kuadër të përgjegjësive të tij si ministër i Drejtësisë. Sipas tij, vizita kishte për qëllim njohjen me kushtet e trajtimit të Veliajt dhe dëgjimin e ankesave të ngritura publikisht nga avokati i tij, Plarent Ndreca. Por Veliaj tregoi një anë tjetër të takimit, duke konfirmuar mesazhet kërcënuese që ka marrë dy ditë më parë nga Kryeministri Edi Rama nëpëmjet Ministrit Toni Gogu.
Sipas versionit të Veliajt, gjatë takimit të zhvilluar të premten në orën 22:30, Gogu i ka komunikuar disa kërkesa që lidhen me pranimin e përfshirjes në protestat, heqjen dorë nga drejtimi i Bashkisë së Tiranës dhe delegimin te Arbër Hajdari, si dhe ndërprerjen e këshillimit me avokatin Plarent Ndreca. Në letrën e publikuar nga kryebashkiaku, thuhet gjithashtu se mospranimi i këtyre kërkesave mund të sillte rëndimin e pozitës së tij ligjore dhe përballjen me akuza të tjera. Po ashtu, Veliaj ka mohuar kategorikisht lidhjen me protestat dhe i ka kërkuar kryeministrit të paraqesë prova për këto pretendime. Ai ka theksuar se nuk do të heqë dorë nga dinjiteti i tij, pavarësisht situatës në të cilën ndodhet./Dosja.al
erion veliaj plarent ndreca
Politike
18 November 2026, 15:57
E. D
Mirela Kumbaro
TIRANË- Ministrja e Arsimit, Mirela Kumbaro, foli për projektbuxhetin e vitit 2027 për arsimin, i cili arrin në 67,95...
Politike
18 November 2026, 15:54
E. D
Delina Ibrahimaj
TIRANË- Ministrja e Ekonomisë dhe Inovacionit, Delina Ibrahimaj, ka prezantuar prioritetet e buxhetit për vitin 2027, du...
Politike
18 November 2026, 15:37
E. D
TIRANË- Deputetja demokrate, Ina Zhupa tha gjatë gjatë fjalës saj në Kuvend se çështja më e rëndësishm...
Politike
18 November 2026, 15:19
G.M
Deputeti shqiptar në Kuvendin e Serbisë, Shaip Kamberi. Fotografi nga arkivi.
SERBI- Deputetët shqiptarë në Kuvendin e Serbisë j...
Politike
18 November 2026, 15:17
G.M
Erion Braçe
TIRANË- Deputeti i Partisë Socialiste Erion Braçe, ka kërkuar largimin nga qeveria të ministrave që...
Politike
18 November 2026, 14:51
E.d
Ilir Beqaj
TIRANA- Ish-ministri i Shëndetësisë, Ilir Beqaj i është drejtuar sot me rekurs Gjykatës së Lartë, duke k&eu...
Politike
18 November 2026, 14:33
E.d
Eno Bozdo
TIRANA- Deputeti i Partisë Demokratike, Eno Bozdo ka deklaruar se qeveria ka lënë pa mbështetje fermerët dhe prodhu...
Politike
18 November 2026, 13:59
E.d
Pandeli Majko
TIRANA- Ish-kryeministri Pandeli Majko ka reaguar pas deklaratave të kryetarit të Partisë Demokratike, Sali Berisha, i cili...
Politike
18 November 2026, 13:45
E.d
Tedi Blushi
TIRANA- Deputeti i Partisë së Lirisë, Tedi Blushi ka ngritur një sërë shqetësimesh në Kuvend, duke ...
Politike
18 November 2026, 13:30
E.d
Saimir Korreshi
TIRANA- Deputeti i Partisë Demokratike, Saimir Korreshi ka kritikuar mënyrën se si po diskutohet buxheti i vitit 2027, duke e...