2 November 2026, 14:22
Nga E.M

TIRANË- Policia e Shtetit ka ngritur një alarm për një skemë mashtrimi kibernetik e cila ka filluar të qarkullojë nga mesazhet telefonike. Ato dërgohen në emër të bankave për te ndërhyrë në të dhënat personale dhe bankare të qytetarëve.
Sipas Policisë, mesazhet u kërkojnë qytetarëve të verifikojnë identitetin brenda 24 ose 31 orëve, duke i drejtuar përmes lidhjeve elektronike drejt faqeve të falsifikuara që imitojnë ato zyrtare të bankave.
Skema tashmë njihet si “Smishing” ndërsa synon të përvetësojë numrat e kartave bankare, fjalëkalimet dhe kodet e verifikimit, të cilat mund të përdoren për të hyrë në llogaritë e qytetarëve dhe për të kryer transaksione të paautorizuara.
Policia u bën thirrje qytetarëve të mos klikojnë në lidhjet e dyshimta dhe të mos ndajnë të dhënat bankare, PIN-et apo kodet e sigurisë. Në rast se kanë plotësuar të dhënat në faqe të tilla, duhet të kontaktojnë menjëherë bankën për bllokimin e kartës ose të aksesit në llogari.
Strukturat e Hetimit të Krimit Kibernetik po punojnë për identifikimin e autorëve, ndërsa qytetarëve u kërkohet të raportojnë çdo rast të dyshimtë në Polici.
Njoftimi i plotë i Policisë:
Kujdes nga SMS-të mashtruese në emër të institucioneve bankare! Policia e Shtetit apelon për mbrojtjen e të dhënave personale dhe bankare.
Policia e Shtetit, nëpërmjet strukturave të specializuara për Hetimin e Krimit Kibernetik, paralajmëron qytetarët për qarkullimin e mesazheve telefonike (SMS) mashtruese, të cilat dërgohen në emër të institucioneve të ndryshme bankare, me qëllim vjedhjen e të dhënave personale dhe bankare, si dhe përvetësimin e paligjshëm të fondeve nga llogaritë e qytetarëve.
Nga rastet e evidentuara, rezulton se qytetarëve u dërgohen SMS nga numra të ndryshëm telefoni, në të cilat autorët prezantohen në mënyrë të rreme si institucione bankare, duke i njoftuar se duhet të kryejnë verifikimin e identitetit brenda një afati të shkurtër kohor, zakonisht 24 ose 31 orë.
Në përmbajtje të këtyre mesazheve vendosen lidhje elektronike (linke), të cilat nuk u përkasin faqeve zyrtare të bankave, por synojnë t’i orientojnë qytetarët drejt faqeve të falsifikuara, të krijuara për të përvetësuar të dhënat e tyre.
Kjo formë mashtrimi kibernetik, e njohur si “Smishing”, synon të shfrytëzojë besimin e qytetarëve ndaj institucioneve bankare dhe ndjesinë e urgjencës që krijohet nga afatet e vendosura në mesazhe.
Nëpërmjet këtyre faqeve, autorët synojnë të sigurojnë të dhëna të ndjeshme, si numrat e kartave bankare, fjalëkalimet e shërbimeve bankare online dhe kodet e verifikimit. Këto të dhëna mund të përdoren më pas për të siguruar akses të paautorizuar në llogaritë bankare të qytetarëve dhe për të kryer transaksione financiare, duke përvetësuar fondet e tyre.
Policia e Shtetit u bën thirrje të gjithë qytetarëve të tregojnë kujdes maksimal dhe të ndjekin këto masa parandaluese:
-Mos klikoni në lidhjet elektronike që përmbajnë SMS-të e dyshimta, pavarësisht se në përmbajtjen e tyre mund të shfaqet emri i një banke të njohur.
-Mos jepni në asnjë rast të dhënat e kartave bankare, fjalëkalimet, PIN-et apo kodet e verifikimit në faqe të hapura përmes këtyre mesazheve.
Mos u ndikoni nga mesazhet që vendosin afate kohore për verifikimin e identitetit apo paralajmërojnë kufizimin e shërbimeve bankare.
-Verifikoni çdo komunikim të dyshimtë drejtpërdrejt me bankën tuaj, nëpërmjet kanaleve zyrtare të komunikimit.
-Nëse keni vendosur të dhënat tuaja bankare në një lidhje të dyshimtë, kontaktoni menjëherë bankën për të kërkuar bllokimin e kartës apo të aksesit në llogari dhe raportoni rastin në Polici.
Policia e Shtetit sqaron se përdorimi i emrit të një institucioni bankar në një SMS nuk do të thotë se mesazhi është dërguar nga vetë banka. Qytetarët duhet të verifikojnë gjithmonë burimin e komunikimit dhe adresën elektronike përpara se të ndërmarrin çdo veprim.
Strukturat e Hetimit të Krimit Kibernetik vijojnë punën për evidentimin dhe hetimin e këtyre veprimtarive kriminale, identifikimin e autorëve dhe parandalimin e dëmeve financiare ndaj qytetarëve.
Policia e Shtetit fton të gjithë qytetarët që kanë marrë mesazhe të tilla apo kanë rënë viktimë e këtyre skemave mashtruese, të denoncojnë rastet pranë strukturave të Policisë, duke ruajtur mesazhet, numrat e telefonit nga të cilët janë dërguar dhe lidhjet elektronike që ato përmbajnë.
Mbrojtja e të dhënave bankare fillon nga kujdesi i secilit prej nesh. Mos klikoni në lidhje të dyshimta dhe mos ndani të dhënat tuaja financiare!/Dosja.al
Policia e Shtetit
Aktualitet
2 November 2026, 13:47
E.M
TIRANË- Protesta studentore ditën e sotme u zgjerua në ambientet universitare, ku të rinjtë kanë vijuar marshimin në fa...
Aktualitet
2 November 2026, 13:25
E. D
TIRANË- Studentët po vijojnë të marshojnë në rrugët e Tiranës, ku së fundmi janë futur në ambi...
Aktualitet
2 November 2026, 13:22
E.M
KORÇË- Studentët e Universitetit “Fan S. Noli” në Korçë pas disa ditësh i janë rikthyer procesit më...
Aktualitet
2 November 2026, 12:54
E.M
TIRANË- Studentët tashmë kanë nisur marshimin e tyre drejt Universitetit të Mjekësisë. Gjatë marshimit ata vijojnë...
Aktualitet
2 November 2026, 12:39
E.M
FINIQ- Një e moshuar në fshatin Finiq është sulmuar nga disa persona ende të paidentifikuar ku i vodhën shtëpinë m...
Aktualitet
2 November 2026, 12:36
E. D
TIRANË- Protesta e studentëve po vijon në ambientet universitare, ku të rinjtë po u bëjnë thirrje kolegëve të tyre...
Aktualitet
2 November 2026, 12:33
E. D
TIRANË- Në ditën e 21-të të revoltës kundër qeverisë së Edi Ramës, studentët vijojnë marshimin n&eu...
Aktualitet
2 November 2026, 12:30
E. D
Ilirjan Celibashi
TIRANË- Komisioneri Shtetëror i Zgjedhjeve, Ilirjan Celibashi, i është drejtuar zyrtarisht Komisionit të Anki...
Aktualitet
2 November 2026, 12:12
I.A
TIRANË- Arkiva e Radio Televizionit Shqiptar do t’i nënshtrohet një procesi të plotë digjitalizimi. Lajmi është bë...
Aktualitet
2 November 2026, 12:14
E.M
TIRANË- Në ditën e 21-të të protestës studentore dhe revoltës së tyre me kërkesën kryesore dorëheqjen e ...