19 November 2026, 12:37
Nga E.d
Sali Berisha
TIRANA- Kreu i Partsië Demokratike, Sali Berisha ka deklaruar ditën e sotme se rrogat e ulëta duhet të rriten me 50%, rrogat e mesme me 30%. Gjatë një konference për mediat, Berisha deklaroi gjithashtu se asnjë pension në Shqipëri nuk duhet të jetë më i ulët se 200 euro.
Në lidhje me këtë, lideri demokrat tha se këto masa mund të financohen përmes shkurtimit të shpenzimeve operative të administratës dhe rishikimit të fondeve të parashikuara për tendera dhe prokurime publike. Kreu i PD-së kërkoi përgjysmimin e menjëhershëm të të gjitha shpenzimeve operative, duke përmendur si shembull reduktimin e automjeteve në dispozicion të drejtuesve të institucioneve dhe zëvendësministrave.
Sali Berisha: Përgjysmim i menjëhershëm i të gjitha shpenzimeve operative është absolutisht pa asnjë pasojë në funksionimin e administratës, përkundrazi krijimin e një mjedisi më transparent dhe më pak korruptiv. E paimagjinueshme. E kuptoni njëherë ç’do të thotë? Drejtorët me tre vetura. Asnjë veturë.
Zëvendësministrat me dy vetura. Asnjë veturë. Shtesë në rrugë për mjetin e udhëtim. Personal ta kenë, shtesë për naftën. Autobusin, shtesë për biletën.
Ky ishte standardi i mëparshëm. Dhe vetëm duke hequr një veturë të zëvendësministrave u kursyen 46 milionë euro. Tani ata janë bërë palë më palë. Këshilltarët e Edi Ramës marrin sa tre kabinete. E paimagjinueshme. Prandaj nuk ka rritje rrogash. Ka tallje me pensionistët. T’ua dyfishojmë këtë që u dhamë vitin e kaluar. Po çfarë u dhatë vitin e kaluar? Njerëz të pashpirt. U dhatë thërrime dhe grimca qesharake. Dhe tani bërtasin dhe po i lumturojnë se po u dyfishojnë atë që dhanë vitin e kaluar. Paratë janë që të gjitha. Absolutisht pa asnjë lloj pasoje negative, përveçse shumë pozitive sepse i nxjerr nga dhimbja. Pra dyfishim i menjëhershëm. Tre, rrogat. Ka rritur vetëm rrogat e narkobanditëve. 2500 euro për të rrahur, për të torturuar, për të masakruar të rinjtë në protestë. Rritje me 50 përqind të rrogave të ulëta. Me 30 përqind të rrogave të mesme. Asnjë qindarkë rrogat e larta. Asnjë qindarkë! Po, rrogat e ulëta do rriten.
Asnjë pension në Shqipëri nën 200 euro. Ky thotë janë 10 miliardë, a e dini ju sa është fondi i përgjithshëm i rrogave? Është rreth 103 miliardë lekë apo është 1 miliard e 300 milionë. Rritja e rrogave të ulëta në 50 përqind dhe rrogave të mesme në 30 përqind përballohet pa asnjë vështirësi. Pa asnjë pasojë sepse këta kanë lënë për tenderat dhe për prokurimet 2.2 miliardë euro. Aty ku këta vjedhin, sipas KLSH, 90 përqind të fondit të investimit. Zhduket. Këta pra lënë për investime, i rrisin në mënyrën më të pabazuar dhe të tjerët, pensionistët, rrogëulëtit i lënë të numërojnë kafshatat. Asnjë qindarkë. Rritja e parashikuar e rrogave është qesharake. Pra rrogat e ulëta duhet të rriten me 50 përqind. Rrogat e mesme me 30 përqind. Asnjë qindarkë rrogat e larta. Pse? Se janë më të lartat në rajon në paturpësinë më të madhe. Në qoftë se një rrogë mesatare, krahasuar me mesataren e BE, është 15-20 përqind e saj, rroga e lartë shkon ndonjëherë edhe më e lartë se rrogat e BE, ndonjëherë shkon tek 70 përqind e tyre. Ato nuk duhet të preken. Ato të mbahen aty ky janë./Dosja.al
Sali Berisha
Politike
19 November 2026, 12:21
I.A
Foto Ilustruese
TIRANË- Bordi i Transparencës ka ndryshuar çmimet e karburanteve në vend. Mësohet se Bordi i Transparencës ka ...
Politike
19 November 2026, 12:19
E.d
Sali Berisha
TIRANA- Kreu i Partisë Demokratike, Sali Berisha ka deklaruar ditën e sotme se buxheti për vitin 2027 nuk është 1...
Politike
19 November 2026, 12:18
E.d
Ina Zhupa
TIRANA- Deputetja e Partisë Demokratike, Ina Zhupa ka reaguar pas qëndrimit të qeverisë kundër nismës për s...
Politike
19 November 2026, 12:09
E.d
Pamje
TIRANA- Projektligji i ri për donacionet dhe sponsorizimet ka kaluar me sukses shqyrtimin në Komisionin për Edukimin, Shkencën dhe S...
Politike
19 November 2026, 11:56
E.d
Niko Peleshi
TIRANA- Kryetari i Kuvendit, Niko Peleshi i është drejtuar zyrtarisht Komisionit të Venecias, duke kërkuar ekspertizë li...
Politike
19 November 2026, 09:33
E.d
Edi Rama
GJERMANI- Kryeministri Edi Rama është nisur drejt Berlinit, ku do të marrë pjesë në një takim të niveli...
Politike
19 November 2026, 00:01
I.A
TIRANË- Kuvendi ka miratuar në parim projektbuxhetin për vitin 2027, pas një seance plenare që zgjati rreth 14 orë dhe u shoq&eum...
Politike
18 November 2026, 22:57
E. D
TIRANË- Në kufi të afatit ligjor të funksionimit të Komisionit për Reformën Zgjedhore, mazhoranca dhe opozita vendos&eu...
Politike
18 November 2026, 21:00
E.M
TIRANË- Kryeministri Edi Rama ka zhvilluar një vizitë në Agjencinë për Media dhe Informim, për të njohur punën e i...
Politike
18 November 2026, 20:45
E. D
Aleksandar Vuçiç
SERBI- Partia Popullore Evropiane (PPE) është drejt vendimit për të pezulluar nga radhët e saj Pa...