22 October 2026, 11:05
Nga Prof.Romeo Hanxhari
Prof.Romeo Hanxhari
Jemi të gjithë kundër dhunës. Cila është dhuna? Ja raste të dhunës publike që ka kohë që ushtrohet ndaj brezit të ri, që nga koha e “këpëratës” e deri tek “rroga e magjistarit”. Një deputete e re e cila nuk di “rregullin e treshit” ushtron dhunë publike. Kjo është shpullë fytyrës së cdo nxënësi normal në Shqipëri. Ai merr mesazhin se shkolla është e kotë dhe fillon e rebelohet ndaj saj. Një deputete që guxon të shpjegojë në televizion rregullin e treshit që nuk e di, ushtron dhunë publike. Kjo është tallje ndaj cdo studenti me sedër. Ai merr mesazhin se në Shqipëri mund të mos dish asgjë dhe prapë të mburresh.
Një deputete e re që ngatërron “magjistarin” me “magjistratin” ushtron dhunë publike. Ky është grusht ndaj shpresës së cdo të riu për meritokraci. Ai merr mesazhin se nuk ka vlerë dija, dhe fillon ta përbuzë atë. Një deputete që ka guximin të përdorë fjalën “laps” në vend të “lapsus” ushtron dhunë publike. Ky është molotov në kokën e cdo të riu që hap një libër për të marrë kulturë. Ai merr mesazhin se mund të jesh injorant dhe prapë të udhëheqësh.
Një zyrtar që pi verë 32 mijë euro shishja ushtron dhunë publike. Ky është një dru kokës së cdo të riu që llogarit nga rroga këstin e shtëpisë. Ai merr mesazhin se po rron kot dhe se po punon edhe më kot. …Këto janë vetëm një pjesë e dhunës që ushtrohet nga ky parlament e pushtet i cili këta të rinj nuk i përfaqëson. Dhe këtu nuk po flas për dhunën publike që është ushtruar nga procesi i shëmtuar i patronazhimit apo nga procesi i dënueshëm i blerjes së votës…
Këto dhunime japin pasoja sociale. Prodhojnë një brez të frustruar. Prodhojnë akumulim të zemërimit si një minë me sahat. Prodhon një turbullirë sociale ku djalli mund të peshkojë ushtarë të verbër apo idiotë të dobishëm. Djalli nuk e do Shqipërinë në BE, e dimë, por detyra e qeverisë është mos të krijojë kushtet ku ai peshkon. Këtë situatë qeveria nuk dëshiron ta lexojë, pasi ajo është fatkeqësisht autore direkt apo indirekt e saj.
Duke mos e lexuar, Qeveria e shmang zgjidhjen, sepse zgjidhja do të donte së pari zhdukjen e mekanizmave të patronazhimit dhe blerjes së votës duke cuar në humbje të pushtetit politik. Kështu që këtë stanjacion të mbarsur me zemërim dhe zhgënjim e përdorin lirshëm e majta radikale neo-marksiste dhe rryma të tjera radikale anti-evropiane dhe anti-semite mjaft të rrezikshme dhe armiqësore për Shqipërinë. Kjo na sjell në rezultatin ku një pjesë aktive e brezit të ri motivohet apo manipulohet, dhe për rrjedhim mund të orientohet edhe drejt dhunës. Dhuna natyrisht që nuk ushtrohet nga studentët, por me siguri nga një pjesë e të rinjve.
Kaq mjafton. Mjafton një pakicë e dhunshme (e rreshtuar apo e paguar, pak rëndësi ka) dhe një shumicë e heshtur ndaj dhunës (indiferente apo e trembur, pak rëndësi ka), për të krijuar një shoqëri të dështuar dhe të prirur për degradim. Dhuna ndaj institucioneve pastaj çon në dhunë ndaj biznesit dhe ndaj qytetarëve. Por kjo dhunë, e dënueshme dhe e rrezikshme, nuk dëmton qeverinë. Ajo dëmton Shqipërinë.
Nga ana tjetër, duke vënë në dukje vetëm dhunën e një pakice të manipuluar dhe jo zemërimin e drejtë të pjesës së shëndoshë, nëpërmjet përdorimit të policisë qeveria prek nervin shtet-dashës të popullatës që kërkon rend dhe qetësi. Në këtë mënyrë qeveria del si shpëtimtare e Shqipërisë, dhe rifiton pushtet politik në zgjedhjet e rradhës, duke persistuar me të njëjtat mekanizma të ulta politikë dhe elektoralë, dhe pastaj duke vazhduar të ushtrojë dhunë publike nëpërmjet deputetëve apo zyrtarëve injorantë.
Këtu pra gjendemi në një rreth vicioz. Dhuna publike e arrogancës tallëse të pushtetarëve shkakton indinjatën e shumicës së të rinjve dhe krijon mjedis për dhunën e manipuluar të një pakice prej tyre. Nga ana tjetër, dhuna e kësaj pakice të rinjsh përdoret për të rritur autoritetin e shtetit dhe për të vijuar dhunën e arrogancës së pushtetarëve.
Asnjë nga këto lloje të dhunës nuk është e pranueshme, dhe aq më pak e justifikueshme. Duhet të ndërpritet ky rreth vicioz dhune. Pa humbur asnjë sekondë prioritetin absolut të integrimit evropian, dhe pa lëshuar asnjë milimetër shtetin, përgjegjësia e lëvizjes së parë i takon pushtetit. Nyja gordiane u zgjidh dikur me një veprim të vendosur. …Është koha tani për nyjen tonë me një veprim të mençur.
Prof.Romeo Hanxhari
Insights
21 October 2026, 18:31
Jona Dividi
A është çdo deformim një zgjedhje artistike?
Kohët e fundit po shohim gjithnjë e më shumë figura publike dhe historik...
Insights
20 October 2026, 10:23
Paul Lendvai
Edi Rama
Pothuajse njëkohësisht me demonstratat masive në Francë, u raportuan protesta kundër politikave qeveritare nga kryeqyteti i ...
Insights
19 October 2026, 14:11
Çim Peka
Një kryeministër që i paraqet gazetarët si armiq të policisë po përgatit alibinë për çdo abuzim ndaj tyre. ...
Insights
18 October 2026, 20:44
Çun Lajçi
Edi Rama
Sot në mëngjes e pashë njanin tue folë me vetveten. M’erdhi gjynah!Ishte futë ma në fund në zyrën e Kry...
Insights
17 October 2026, 07:29
Paskal Kaçani
TIRANË – Kur tetori fillon të krehë flokët e artë mbi kurorat e dushkajave dhe nëntori vesh mantelin e purpurt të...
Insights
16 October 2026, 20:36
Auron Tare
"POLICI"Sa herë që shihemi në kryqëzimin e rrugës, përshëndetemi me një lëvizje të lehtë të kok&eum...
Insights
16 October 2026, 10:02
Mirko Mecaj
Protesta
1 - Edi Rama ka votën e qytetarëve dhe është legjitim në pushtet deri në qershor 2029.
Po, Edi Rama e ka votën, po...
Insights
15 October 2026, 16:25
Gjergj Erebara
Një qeveri qeveris në tre mënyra:
a) me dakordësinë e qytetarëve!b) me tolerancën e qytetarëve!c) me regjim terrori!
E ...
Insights
15 October 2026, 12:51
Dosja.al
Foto Ilustruese
Protestat janë një nga mjetet më të rëndësishme përmes të cilave qytetarët kërkojnë ndr...
Insights
14 October 2026, 20:43
Mirko Mecaj
Kjo është lëvizje për shtet social. Njerëzit po ta thonë në të gjitha mënyrat e në çdo formë k&eu...