20 August 2026, 14:03
Nga E.d
Luçiano Boçi
TIRANA- Bashkëkryetari i Komisionit për Reformën Administrativo-Territoriale, Luçiano Boçi e cilëson vendimin e Këshillit Bashkiak për shkrirjen e Bashkisë Maliq dhe bashkimin me Korçën si një vendim politik, të marrë në kundërshtim me vullnetin e shprehur të komunitetit gjatë dëgjesave publike.
Në një postim publik, Boçi akuzon PS për ushtrim presioni politik dhe administrativ ndaj përfaqësuesve vendorë, duke theksuar se këshilltarët socialistë të Maliqit u tërhoqën nga qëndrimet e tyre të mëparshme dhe votuan pro shkrirjes së bashkisë.
Sipas tij, procesi i konsultimit publik humbi funksionin, ndërsa reforma territoriale po përdoret për centralizimin e pushtetit dhe dobësimin e përfaqësimit vendor.
Reagimi i plotë:
“REFORMË” NËN TERROR
(Rasti i Bashkisë Maliq)
Sot në Maliq nuk u votua një reformë. U ekzekutua një urdhër politik.
Këshilli Bashkiak votoi pro shkrirjes së Bashkisë Maliq dhe bashkimit të saj me Korçën, megjithëse qytetarët në dëgjesat e vonuara, u shprehën kundër dhe megjithëse vetë drejtuesit socialistë vendorë, vetëm pak ditë më parë, deklaronin publikisht se do të respektonin vullnetin e komunitetit.
Midis kundërshtimit të djeshëm dhe nënshtrimit të sotëm nuk u shfaq asnjë analizë e re, nuk ndryshoi asnjë tregues ekonomik dhe nuk u zhvillua ndonjë konsultim tjetër që të përmbyste qëndrimin e banorëve. Ndryshoi vetëm presioni e terrori nga lart. Hyri në veprim makineria e partisë dhe ata që premtonin se do të përfaqësonin qytetarët përfunduan duke noterizuar urdhrin e Edi Ramës.
Ky nuk është ndryshim mendimi. Është thyerje e vullnetit. Është prova se dëgjesat publike ishin një mashtrim, konsultimi ishte një farsë dhe vendimi ishte marrë shumë kohë përpara se qytetarëve t’u jepej mikrofoni. Pushteti i pyeti banorët e Maliqit vetëm për t’i përdorur si dekor demokratik. Kur ata thanë “jo”, përgjigjja e tyre u hodh në kosh dhe mbi këshilltarët zbriti terrori politik e administrativ. Njëjtë si mënyrë veprimi në 1946 kur krijoheshin kooperativat e famshme dhe ku Partia nën kërcënimin e terrorin armëve rrëmbente vullnetet e njerzve.
Tani terrori i partisë në pushtet nuk ka nevojë për uniformë dhe armë.
Ai vepron mbi vendin e punës, bukën e familjes, karrierën, biznesin dhe çdo fije varësie që shteti-parti ka ngritur mbi qytetarin. Por në efekt është i njëjtë. Mjafton një telefonatë nga Tirana që përfaqësuesi vendor të harrojë zgjedhësit e tij dhe të kujtojë se pushteti mund t’i marrë gjithçka. Vota e sotme mund të jetë hedhur formalisht nga këshilltarët, por politikisht ajo është nxjerrë me presion e dhunë.
Këshilli Bashkiak i Maliqit sot nuk përfaqësoi Maliqin. Përfaqësoi frikën që Partia Socialiste ka instaluar mbi institucionet vendore. Këshilltarët nuk u sollën si të zgjedhur të qytetarëve, por si nëpunës të bindur të partisë. Presioni mund ta shpjegojë nënshtrimin e tyre, por nuk i çliron nga përgjegjësia. Secili prej tyre duhet t’u tregojë banorëve pse votoi kundër vullnetit të shprehur në dëgjesa dhe në favor të zhdukjes së bashkisë që ishte zgjedhur të mbronte.
Neni 108 i Kushtetutës përcakton se kufijtë e njësive vendore nuk mund të ndryshohen pa u marrë më parë mendimi i popullsisë. Por Rama nuk e mori mendimin e qytetarëve për ta respektuar. As kur duhej e as tani mgjs është dhë siç po kërkon Rama ta dëshmojë me forcë si “kofini pas të vjelit”. E mori për ta falsifikuar politikisht. Siç ka bërë me votat kurdoherë.
Banorët thanë “jo”, ndërsa këshilli i gjunjëzuar votoi “po”. Kjo është shkelja më brutale e frymës së Kushtetutës. Qytetarëve u lihet me demek zëri, por u grabitet vendimmarrja.
Rama nuk po bën reformë territoriale. Aspak. Ai po kryen aneksimin partiak të pushtetit vendor. Ky është pushtim politik territori. Fillimisht i zbraz territoret nga banorët, u merr bashkive kompetencat, financat dhe investimet, pastaj përdor pasojat e dështimit të vet si argument për t’i shkrirë. Qeveria e braktisi Shqipërinë lokale dhe tani kërkon të fshijë nga harta institucionet që dëshmojnë këtë braktisje.
Maliqi nuk është një emër që mund të hiqet me gomë nga harta e Maznikut. Është një komunitet me identitet, ekonomi bujqësore, traditë dhe territor të gjerë, nga fusha e Maliqit deri në Gorë e Moglicë. Shkrirja nuk i afron shërbimet me këta qytetarë; i shndërron ata në periferi të një bashkie edhe më të madhe, ku zëri dhe nevojat e tyre do të humbasin përballë qendrës.
Rasti i Maliqit zbuloi fytyrën e vërtetë të projektit të 46 bashkive. Nuk është hartë e ndërtuar për qytetarin, por hartë e vizatuar për kontrollin e pushtetit dhe e bërë me dhunë nga pushteti. Nuk është decentralizim, por centralizim brutalësh, as eficiencë, por eliminim i përfaqësimit e as konsultim, por nënshtrim.
Sot Maliqi votoi të zhdukë veteveten.
Çfarë turpi për ata që ngritë kartonin pro!?
Edi Rama kështu detyroi një këshill të gjunjëzuar të firmoste zhdukjen e tij.
Një reformë e tillë që ka nevojë për terror për t’u miratuar nuk ka legjitimitet demokratik. Ajo është një akt dhune politike ndaj qytetarit dhe ndaj vetëqeverisjes vendore./Dosja.al
luçiano boçi pd reforma
Politike
20 August 2026, 13:03
E.d
Edi Rama dhe Giorgia Meloni
ITALI- Amnesty International ka kritikuar marrëveshjen Itali-Shqipëri për menaxhimin e emigracionit, duke kë...
Politike
20 August 2026, 11:57
E.d
Saimir Korreshi
LUSHNJE- Deputeti i PD, Saimir Korreshi, denoncon situatën alarmante të mbetjeve në Lushnje, duke treguar pirgje plehrash, ...
Politike
20 August 2026, 11:10
I.A
DASH
SHBA- Shtetet e Bashkuara të Amerikës kanë ritheksuar thirrjen ndaj udhëheqësve politikë të Kosovës që t&...
Politike
20 August 2026, 10:24
I.A
Taulant Balla
TIRANË- Një pamje e shpërndarë ditën e djeshme nga Kreu i Grupit Parlamentar të PS-së Taulant Balla, ku sh...
Politike
20 August 2026, 10:36
E.d
Bardh Spahia
TIRANA- Deputeti i Partisë Demokratike, Bardh Spahia ka denoncuar vendimin e qeverisë për krijimin e Operatorit t&eu...
Politike
20 August 2026, 09:20
I.A
Foto nga aksioni
KOSOVË- Deputetët e Partisë Demokratike të Kosovës kanë vazhduar për të gjashtën ditë ra...
Politike
19 August 2026, 22:24
E.d
Richard Grenell
KOSOVA- I dërguari presidencial për misione të posaçme i Presidentit të SHBA-së Donald Trump dhe ish-...
Politike
19 August 2026, 21:23
E.d
Foto ilustruse
KOSOVA- Lëvizja Vetëvendosje dhe Lidhja Demokratike e Kosovës zhvilluan ditën e djeshme një takim, ku fokusi i...
Politike
19 August 2026, 18:23
E.d
Tedi Blushi
TIRANA- Sekretari i Përgjithshëm i Partisë së Lirisë, Tedi Blushi, ka reaguar kundër rregullores së GJKKO-s&...
Politike
19 August 2026, 14:35
E. D
Banorët e Patosit
PATOS- Banorët e Patosit kanë dalë sërish në protestë kundër propozimit për hartë...