22 November 2026, 16:50
Nga E.d
Eugert Pulaj
ANGLI- Një shqiptar 37-vjeçar, i dënuar për shpërndarje kokaine në Britaninë e Madhe, po përpiqet të shmangë dëbimin drejt Shqipërisë, duke përdorur si argument lidhjen e tij me partneren rumune dhe problemet e saj të shëndetit mendor. Eugert Pulaj pretendon se largimi i tij nga Britania do të kishte pasoja të rënda për të dashurën, e cila sipas pretendimeve të paraqitura në gjykatë, vuan nga ADHD, ankthi dhe depresioni dhe ka nevojë për mbështetjen e tij të vazhdueshme.
Historia e shqiptarit është bërë objekt i një procesi gjyqësor në Britani, pasi autoritetet vendosën deportimin e tij për shkak të dënimit penal dhe shkeljeve të mëparshme të ligjit. Pulaj kishte hyrë në mënyrë të paligjshme në Mbretërinë e Bashkuar në vitin 2019. Pesë vite më vonë, në qershor 2024, ai u dënua me dy vite e katër muaj burg, pasi policia e Londrës e kishte kapur me 24 qese kokainë.
Ai u shpall fajtor për posedim të drogës së klasit A me qëllim shpërndarjen e saj. Pas dënimit, Ministria e Brendshme britanike ndërmori procedurat për largimin e tij nga vendi. Por 37-vjeçari vendosi ta kundërshtojë këtë masë, duke argumentuar se deportimi do të cenonte jetën e tij familjare dhe veçanërisht gjendjen emocionale të partneres.
Sipas mediave britanike, Pulaj dhe partnerja e tij, një shtetase rumune me status të rregullt qëndrimi në Britani, kanë pretenduar se janë emocionalisht të varur nga njëri-tjetri. Në argumentet e paraqitura përpara gjykatës, u theksua se shqiptari e ndihmon partneren të përballojë vështirësitë e përditshme që lidhen me çrregullimin e deficitit të vëmendjes dhe hiperaktivitetit (ADHD), ankthin dhe depresionin.
Mbrojtja e tij këmbënguli se prania fizike e Pulajt është thelbësore për mirëqenien psikologjike të gruas dhe se komunikimi përmes telefonatave apo mesazheve nuk mund të zëvendësojë mbështetjen që ai i ofron çdo ditë. Megjithatë, këto argumente nuk arritën të bindin gjykatën. Në shtator, kërkesa e tij për të shmangur dëbimin u rrëzua, pavarësisht se gjyqtari pranoi se marrëdhënia e çiftit ishte reale dhe se shqiptari kishte një rol mbështetës në jetën e partneres.
Në vendimin e saj, gjykata vlerësoi se interesi publik për deportimin e Pulajt ishte më i rëndësishëm sesa pretendimet e tij për jetën familjare. Në këtë vlerësim u morën parasysh hyrja e paligjshme në territorin britanik, dënimi për një vepër të rëndë që lidhet me narkotikët, si dhe një tjetër shkelje e kryer gjatë periudhës së lirimit me kusht.
Gjykata shqyrtoi edhe mundësinë që partnerja e tij ta ndiqte në Shqipëri, duke pasur parasysh se 37-vjeçari ka një banesë familjare në vendin e origjinës. Një tjetër alternativë e përmendur ishte që ajo të qëndronte në Britani dhe marrëdhënia të vijonte në distancë, përmes vizitave dhe komunikimit me video.
Por shqiptari nuk është tërhequr nga përpjekjet për të qëndruar në Britani. Pas vendimit të parë, ai ka paraqitur një tjetër apel, duke pretenduar se gjykata nuk e ka vlerësuar siç duhet gjendjen shëndetësore të partneres dhe ndikimin që do të kishte ndarja e tyre.
Në këtë përpjekje të re ligjore, avokati i Pulajt ka ngritur edhe një tjetër argument, atë të rrezikshmërisë së ulët për përsëritjen e veprave penale. Sipas mbrojtjes, ky element duhej të ishte marrë më shumë në konsideratë gjatë shqyrtimit të çështjes së deportimit.
Megjithatë, çështja e tij mbetet e lidhur me peshën që autoritetet britanike i japin dënimeve penale në vendimet për dëbimin e shtetasve të huaj. Për Pulajn, beteja ligjore nuk lidhet vetëm me qëndrimin në Britani, por edhe me pretendimin se largimi i tij do të ndikonte drejtpërdrejt në shëndetin mendor dhe jetën personale të partneres së tij./Dosja.al
Eugert Pulaj angli kokaina
Aktualitet
22 November 2026, 16:39
E.d
Foto ilustruse
GRAMSH- Një operacion i Prokurorisë së Elbasanit në bashkëpunim me Agjencinë e Mbikëqyrjes Policore ësh...
Aktualitet
22 November 2026, 14:17
G.M
pamje
TIRANË- Dy persona të shpallur në kërkim ndërkombëtar janë arrestuar në Shkodër dhe në Vorë, n&eu...
Aktualitet
22 November 2026, 13:42
G.M
Xhensila Myrtezaj
TIRANË- Prokuroria e Tiranës ka përfunduar hetimet dhe ka dërguar për gjykim këngëtaren Xhensila Myrteza...
Aktualitet
22 November 2026, 13:17
G.M
pamje
LIBOHOVË- 40-vjeçari Tefik Beqo, është arrestuar në Libohovë, pasi dyshohet se pas një konflikti me bashkëshor...
Aktualitet
22 November 2026, 13:01
G.M
Më 16 shtator, Dhomat e Specializuara të Kosovës shpallën fajtorë për krime lufte katër ish-udhëheqës të U&Cc...
Aktualitet
22 November 2026, 12:28
G.M
pamje
DURRËS- Policia ka zbardhur vjedhjen e një banese në lagjen nr. 4 në Durrës, ku janë marrë shuma të konside...
Aktualitet
22 November 2026, 12:23
G.M
foto ilustruese
ANGLI- 30 shtetas shqiptarë janë dënuar me gjithsej 126 vite burg në Mbretërinë e Bashkuar gjatë muajit s...
Aktualitet
22 November 2026, 11:54
G.M
pamje
Gati shtatë vjet pas tërmetit që shkaktoi 51 viktima, qindra të plagosur dhe miliona euro dëme, ndërhyrjet në ...
Aktualitet
22 November 2026, 11:47
G.M
Edi Rama & Erion Veliaj
FIER- Kryebashkiaku i Tiranës, Erion Veliaj, ka reaguar pas refuzimit për tu operuar në Spitalin Memorial të F...
Aktualitet
22 November 2026, 11:17
G.M
TIRANË- Policia e Tiranës ka proceduar penalisht 10 protestues për veprime të kundërligjshme gjatë tubimit të zhvilluar dit&...