LIVE UPDATES
Aktualitet

Dyshime për shkatërrimin e dokumenteve edhe në Kosovë: Kush duhet të reagojë?

Kjo çështje u ngrit pasi një grup studentësh nga Universiteti i Mitrovicës së Veriut, të cilët mbështesin studentët që protestonin në Serbi, shprehën dyshime se në disa institucione të Serbisë në Kosovë po shkatërrohen dokumente zyrtare.

30 October 2026, 19:34 Nga E. D

Dyshime për shkatërrimin e dokumenteve edhe në Kosovë: Kush

KOSOVË- Kush është kompetent që të reagojë nëse shkatërrohet dokumentacioni në institucionet e Serbisë në Kosovë dhe kush mund ta parandalojë largimin e mundshëm të dëshmive për keqpërdorime?

Kjo çështje u ngrit pasi një grup studentësh nga Universiteti i Mitrovicës së Veriut, të cilët mbështesin studentët që protestonin në Serbi, shprehën dyshime se në disa institucione të Serbisë në Kosovë po shkatërrohen dokumente zyrtare.

Sistemi gjyqësor serb nuk ka kompetenca në Kosovë që nga viti 2017, kur në bazë të një marrëveshjeje në kuadër të dialogut të ndërmjetësuar nga Bashkimi Evropian, u integrua në sistemin e Kosovës.

Ditëve të fundit, në Serbi kanë qarkulluar informacione se në institucionet shtetërore të Serbisë po shkatërrohet dokumentacioni. Për këtë arsye, prokurorja e lartë publike e Serbisë, Zagorka Dollovac, më 29 tetor udhëzoi të gjitha prokuroritë e larta që t’i drejtohen urgjentisht policisë me kërkesa për ndërmarrjen e masave për parandalimin e shkatërrimit të dokumenteve zyrtare dhe dosjeve të tjera.

Siç thuhet në udhëzim, informacionet e bëra publike kanë të bëjnë me shkatërrimin e dokumenteve në institucionet shtetërore, banka, Agjencinë e Sigurisë dhe Informacionit, Agjencinë e Inteligjencës Ushtarake dhe institucione të tjera me rëndësi për sigurinë ekonomike, financiare dhe juridike të Serbisë.

Radio Evropa e Lirë iu drejtua zyrës së prokurores së lartë publike në Serbi me pyetjen se si do t’i verifikojë dyshimet për shkatërrimin e dokumentacionit në institucionet serbe në Kosovë dhe në ato që janë zhvendosur në qytetet kufitare të Serbisë pasi u mbyllën nga autoritetet kosovare.

Deri në publikimin e këtij artikulli, nga ky institucion nuk kanë kthyer përgjigje.

Aktualisht, në Kosovë funksionojnë kryesisht institucionet arsimore dhe shëndetësore që punojnë sipas sistemit serb.

Për çfarë keqpërdorimesh bëhet fjalë?

Një grup studentësh nga Universiteti i Mitrovicës së Veriut, i cili funksionon sipas sistemit të Serbisë, njoftoi se kishte marrë informacione se dokumentacioni po shkatërrohet në Qendrën Klinike Spitalore në Mitrovicën e Veriut, si dhe në organet e përkohshme komunale.

Qendra Klinike Spitalore funksionon sipas sistemit të Serbisë, ashtu si edhe organet e përkohshme komunale. Megjithatë, autoritetet kosovare i kanë mbyllur ato gjatë dy vjetëve të fundit, së bashku me institucione të tjera që financoheshin nga buxheti i Serbisë, me arsyetimin se janë paralele dhe ilegale.

Disa nga institucionet e mbyllura në Kosovë, që më pas u zhvendosën në Serbi, janë Banka Postare e Kursimeve, Posta e Serbisë, Fondi për Sigurimin Pensional dhe Invalidor, Thesari i Bankës Popullore të Serbisë dhe qendrat për punë sociale.

Më 28 tetor, grupi i studentëve nga Universiteti i Mitrovicës së Veriut shprehu dyshime se në organet e përkohshme komunale serbe po zhvillohen aktivitete që, siç pretendohet, synojnë shkatërrimin dhe largimin e dokumentacionit zyrtar, si dhe shkatërrimin e mëvonshëm të dokumenteve dhe keqpërdorime të mundshme lidhur me pagesat e pagave të mjekëve.

Qendra Klinike Spitalore në Mitrovicën e Veriut i mohoi këto akuza, duke i cilësuar si të pavërteta dhe të pabazuara.

Përmes një komunikate kjo qendër tha se askush nuk po shkatërron, largon apo fsheh dokumentacionin zyrtar, pasi, siç u theksua në njoftim, nuk ekziston asnjë arsye për një veprim të tillë.

Gjithashtu, u vlerësua se sulme të tilla mund ta rrezikojnë punën e, siç u tha, njërit prej institucioneve më të rëndësishme për pjesëtarët e komunitetit serb në Kosovë.

Radio Evropa e Lirë iu drejtua edhe Zyrës për Kosovën në Qeverinë e Serbisë me kërkesën për t’iu përgjigjur akuzave për shkatërrimin e dokumentacionit zyrtar, por nuk mori përgjigje.

Kush mund ta parandalojë shkatërrimin e dokumentacionit në Kosovë?

Dushan Janjiq nga Forumi për Marrëdhënie Etnike në Beograd, me profesion jurist, i tha Radio Evropa e Lirë se prokuroritë në Kosovë kanë mandat të reagojnë dhe të verifikojnë dyshimet se në institucionet serbe që funksionojnë sipas sistemit të Serbisë po shkatërrohen dokumente zyrtare, pasi ato funksionojnë ose kanë funksionuar, siç thotë ai, me tolerimin e autoriteteve kosovare.

“Bëhet fjalë edhe për qarkullimin e pagesave. Jam i sigurt se edhe Kosova ka kompetenca. Sa u përket gjurmëve të qarkullimit të parave, ato nuk mund të shkatërrohen. Tani po flas për paratë. Por, dokumentet që lidhen me paratë që kanë kaluar nga një dorë në tjetrën mund të shkatërrohen”, vlerëson Janjiq.

Janjiq rikujton se nga buxheti i Serbisë janë ndarë shumë para për Kosovën dhe se për një periudhë të gjatë kohore kanë ekzistuar dyshime për keqpërdorimin e tyre.

“Nuk habitem që po shkatërrohet dokumentacioni. Kjo ishte e pritshme, sepse aty janë bërë shumë gjëra në kundërshtim me ligjin. Këtu ka punë për së paku tri lloje prokurorish”, thotë Janjiq.

Sipas Ministrisë së Financave të Serbisë, për Zyrën për Kosovën në Qeverinë e Serbisë, në vitin 2025 ishin paraparë 17.2 miliardë dinarë, ose rreth 147 milionë euro.

Edhe dy miliardë dinarë të tjera ishin paraparë përmes Shërbimit Kombëtar të Punësimit për ndihmë ndaj të papunëve nga Kosova. Këto para kryesisht shpërndaheshin përmes organeve të përkohshme komunale në Kosovë.

Cilat dokumente mund të shkatërrohen?

Dushan Janjiq konsideron se drejtuesit e institucioneve serbe në Kosovë mund të shkatërrojnë, para së gjithash, ato dokumente që në njëfarë mënyre i lidhin me ish-nënkryetarin e Listës Serbe, Millan Radoiçiq.

Radoiçiq mori përgjegjësinë për sulmin në Banjskë në shtator të vitit 2023, teksa Kosova ka lëshuar një fletarrestim për të, pasi ai nuk është i qasshëm për organet e drejtësisë.

Ai thotë se kjo është arsyeja pse Prokuroria Speciale në Kosovë duhet të reagojë, pasi ky institucion po zhvillon procedurat sa i përket rastit të Banjskës.

Institucionet e Serbisë kryesisht drejtohen nga përfaqësues të Listës Serbe, partisë më të madhe të serbëve në Kosovë, e cila deri më tani ka vepruar me mbështetjen e Partisë Përparimtare Serbe dhe ish-presidentit serb, Aleksandar Vuçiq.

Nga kjo parti të premten thanë se i “pranojmë” rezultatet e zgjedhjeve parlamentare në Serbi, të cilat i fitoi Lista Studentore, dhe se mbeten të përkushtuar ndaj lidhjeve institucionale me Beogradin.

REL-i nuk arriti të merrte koment nga Lista e Studentëve deri në publikimin e këtij artikulli lidhur me dyshimet se dokumentacioni po shkatërrohet edhe në institucionet në Kosovë.

Përfaqësuesit e kësaj lëvizjeje politike, e cila u krijua nga protestat studentore kundër korrupsionit në Serbi, më 29 tetor u kërkuan punonjësve në institucione të ndryshme që të raportojnë rastet e shkatërrimit të dokumentacionit gjatë periudhës së tranzicionit, deri në formimin e institucioneve të reja.

Rodollub Shabiq, jurist dhe ish-komisionar për Informimin me Rëndësi Publike dhe Mbrojtjen e të Dhënave Personale në Serbi, theksoi se në vitin 2026 është e vështirë të shkatërrohet dokumentacioni zyrtar që ruhet në formë elektronike.

Megjithatë, ai u shpreh se Serbia gjatë dhjetë vjetëve të fundit ka qenë një vend jotransparent, ose më saktë, sipas tij, ka pasur një qeveri jotransparente, për shkak të së cilës nuk dihet se si janë ruajtur apo paketuar dokumentet e rëndësishme zyrtare./REL

Sondazh

Të shpallur në kërkim ndërkombëtar, arrestohen dy persona në Vorë dhe Shkodër

Të shpallur në kërkim ndërkombëtar, arrestohen dy persona në Vorë dhe Shkodër

Rama sqaron deklaratën: Mendimi im, nuk i japim leksione qeverisë maqedonase për vendimet...

Mickoski pyetet për incidentin e himnit në Pustec: Nuk e kemi ndjekur aktivitetin deri në fund...

Rama përballet me gazetarin në Qafë Thanë: Çfarë je ti, protestues?

“One Stop Shop”/ Mickoski: Është kënaqësi që po bëjmë ketë bashkëpunim për një pikë kontrolli...

Kërcënoi bashkëshorten se do ta vriste dhe qëlloi me armë në ajër, arrestohet 40-vjeçari...

Vodhën sende me vlerë dhe 30 mijë euro në një banesë, arrestohen dy persona në Durrës

Aksident në Fier/ Makina del nga rruga dhe përfundon në kanal, mister fati i drejtuesit

Nis nga nesër “One Stop Shop” me Maqedoninë e Veriut, Rama: Kemi shumë gjëra që duhet t'i bëjmë...

Rama mbërrin në Qafë Thanë, takim me Mickoskin, në fokus sistemi i përbashkët kufitar...

Me flamurin kuqezi në duar, protestuesit ngjiten në monumentin e Skënderbeut

Tensione në protestë/ Policia hyn në lokale dhe shoqëron protestuesit me forcë

Rama: Tirana që do të fitojmë në 9 maj kërkon fuqi të madhe qeverisjeje në 10 maj

Protestuesit zhvendosen tek Kryeministria/ Policia vendos kordone në akse kryesore rrugore

"Kemi nevojë për një PS më të organizuar"/ Rama: Rruga e Durrësit sot, si një film i së shkuarës

Rama: Tiranën e transformuar nga vendi i mbijetesës në vendin që kërkon cilësi

“Ndal plaçkitjes, shtypjes, ikjes/Protestuesit ngrenë banderolen gjigande para Ministrisë së Arsimit

Policia “gardh” para Ministrisë së Arsimit, nuk lejon protestuesit të bllokojnë Rrugën e Durrësit

Rama nga Asambleja e PS-së: Vit pas viti do të dyfishojmë rritjen e pensioneve

Revoltat kundër qeverisë Rama, protestuesit mblidhen te Ministria e Arsimit

"Deri në 2030 do japim 55 mijë celësa"/ Rama: Mbështetje për fëmijët me aftësi të kufizuara

"Kanë mbajtur mbi shpinë Shqipërinë me kockat e varfërisë së vet"/Rama:Jemi në borxh me pensionistët

“Poshtë diktatura”/ Studentët e presin me thirrje pasi doli nga Asambleja, Rama i përshëndet me dorë

Rama: PS do ta fitojë sërish Tiranën dhe Shqipërinë se është rruga nga kalon bashkimi me Europën

Rama: Me trëndafilin në dorë dhe kurajën në zemër, asgjë s’na ndal

Rama: Kemi bërë gabime dhe faje, por kemi aftësinë të ringrihemi

"Goditja e njerëzve në krye të detyrës nuk falet"/ Rama: Erion Veliaj je në gabim!

Elisa Spiropali dhe Plarent Ndreca jashtë PS-së/ Rama e konfirmon nga Asambleja e Tiranës

Rama: Kush do të sillet si e ëma e Zeqos në majë të thanës, s’ka vend në këtë familje politike

Rama: Si mund të largohet nga puna kryepolicja e Tiranës pse nuk u bën ‘like’ e ‘share’

"Veliaj ta kuptojë se është gabim me PS-në"/ Rama: Kush ndjek këtë kuturisje do ndëshkohet

Rama: Vendimi i GJK-së për ta lënë Veliajn në detyrë është absurd

Mbërrijnë socialistët te Akademia e Arteve, kontrolle në hyrje dhe prani e shtuar e policisë

Berisha: Pas 35 vitesh, rikthehet partia-shtet,ekipet ndërkombëtare damkosën zgjedhjet e 11 majit

Peleshi u përgjigjet kritikave të Spiropalit: Në parlamentin shqiptar politika bëhet personale

Revolta studentore në Tiranë/ Qytetarët njëzërëshi: Në 28 nëntor ne do dalim

Qytetarët vijojnë marshimin në rrugët e Tiranës, policia i ndjek nga mbrapa

Përplasje në protestën përpara Kryeministrisë, policia zhvendos protestuesit nga Bulevardi

Protesta tek Kryeministria/Qytetarët shtyhen më forcë, focat policore nuk lejojnë protestën paqësore

Debat në Komisionin e Ligjeve për aktin normativ të tubimeve/ Bylykbashi: Rama nuk i përballon...

Pas reshjeve të dendura të shiut, hapet njëra nga portat e HEC-it të Komanit

Kanosi me armë zjarri një 31-vjeçar, arrestohet 20-vjeçari në Tiranë, procedohet penlisht i ati

Elementët dekorativë shkëputen nga fasada e pallatit në Durrës, bien mbi një makinë...

Ish-kandidati për Bashkinë e Himarës paraqitet në SPAK, ende pa detaje mbi arsyen e thirrjes

Arrestohet 25-vjeçari, do t'i merrte 1 mln euro një biznesmeni duke iu prezantuar si funksionar...

Përplasje tek Kryeministria/ Efektivët e policisë presin me forcë protestuesit, i shtyjnë me dhunë

Policia nuk i la të protestonin te Kryeministria, qytetarët marshojnë mes për mes makinave në rrugë

Policia i shtyn me forcë në trotuar, protestuesit thirrje: Poshtë diktatura

Greta Thunberg: Shqiptarët kanë treguar se çfarë do të thotë t'i rezistosh shkatërrimit të natyrës

Protestat qytetare në Tiranë/ Protestuesit mblidhen para Kryeministrisë

Balla përplaset me Shehajn: A do ta votosh kërkesën e prokurorisë italiane...

Berisha: Rreth 1 miliard euro do jenë shpenzime operative për hajdutët e administratës...

Berisha: Rrogat e ulëta duhet të rriten me 50%, rrogat e mesme me 30%!

Berisha: Buxheti nuk është 10 miliardë euro, por 5.5 miliardë! Pensionistët marrin 1 përqind...

Drogë në berberhane, thika në servis dhe përforcues grushti në banesë, arrestohet 44-vjeçari...

Marshimi paqësor i protestuesve / Forcat e policisë i ndjekin nga pas me furgona të shumtë

Protestuesit vijojnë marshimin në rrugët e Tiranës, efektivët i ndjekin nga mbrapa

"Pediatria me legen se nuk ka ujë lavamani"/ Korreshi për spitalin e Lushnjes

Tensionohet situata te Kryeministria/ Policia shtyn me forcë protestuesit paqësorë

Protestuesit zhvendosen te kryeministria, policia iu bën thirrje të lirojnë bulevardin