Veliaj refuzon të operohet në Fier, kërkon ndërhyrjen në Tiranë: I jam drejtuar GJKKO-së, nuk ja besoj jetën Kryeministrit
Drejtori i burgut të Fierit kundër Veliajt: Do të bëjë zhurmë, refuzon ndërhyrjen! 22 Nëntor, 16:24 Nd&e...
Drejtori i burgut të Fierit kundër Veliajt: Do të bëjë zhurmë, refuzon ndërhyrjen! 22 Nëntor, 16:24 Nd&e...
Rama “rikthehet” në vitin 1908 me AI, shfaqet krah rilindasve në fotografinë historike të Kongresit të Manastirit 2...
Plagosja me thikë në Korçë/ 30-vjeçari jep dëshminë para policisë: Më sulmuan disa persona të panj...
“Më goditën në kokë dhe më shanin”/ 16-vjeçari tregon dhunën në polici: Më gjobitën 5 mi...
Synimi i koalicionit është që ulja e taksës të vazhdojë edhe pas 31 dhjetorit 2027, por vetëm nëse sigurohet një financim i qëndrueshëm.
Pas disa javë debatesh mbi financimin, udhëheqësit e Unionit CDU/CSU dhe SPD-së arritën një marrëveshje për uljen e taksës sëenergjisë elektrike për të gjithë konsumatorët. Megjithatë, kjo masë lehtësuese do të vlejë, për momentin, vetëm për një vit.
Synimi i koalicionit është që ulja e taksës të vazhdojë edhe pas 31 dhjetorit 2027, por vetëm nëse sigurohet një financim i qëndrueshëm.
Qëllimi është që taksa të ulet në nivelin minimal të lejuar në Bashkimin Evropian. Aktualisht, norma minimale evropiane e taksës mbi energjinë elektrike është 0,1 cent për kilovat-orë, ndërsa në Gjermani ajo është 2,05 cent. Një ulje në nivelin minimal do të kushtonte rreth 5,4 miliardë euro në vit.
Kancelari Merz: "E mbajtëm fjalën"
Kancelari Friedrich Merz i vlerësoi vendimet e Komitetit të Koalicionit si një sukses. "Ne premtuam uljen e taksës mbi energjinë elektrike dhe e mbajtëm fjalën", tha Merz dhe shtoi: "Veçanërisht familjet dhe bizneset e vogla do ta ndiejnë këtë lehtësim. Po ua kthejmë qytetarëve kursimet e realizuara nga buxheti federal."
Ulja e taksës së energjisë elektrike u konsiderua një test besueshmërie për qeverinë dhe veçanërisht për Merzin. Ditët e fundit ai kishte njoftuar se ishte arritur një marrëveshje për uljen e taksës, megjithëse burimet e financimit ende nuk ishin plotësisht të qarta. Merz falënderoi partnerët e koalicionit që mbështetën propozimin e tij për këtë masë.
Sipas portalit për krahasimin e çmimeve Verivox, një familje me tre anëtarë dhe me konsum vjetor prej 4.000 kilovat-orësh do të kursente rreth 7,75 euro në muaj. Për një person të vetëm me konsum prej 1.500 kilovat-orësh në vit, kursimi do të ishte afërsisht tre euro në muaj.
Për kompanitë, qendrat tregtare dhe qendrat e të dhënave, të cilat kanë konsum shumë më të lartë të energjisë elektrike, përfitimi financiar do të ishte dukshëm më i madh.
Unioni i kënaqur, të Gjelbrit kritikë
Sekretarja e Përgjithshme e CDU-së, Franziska Hoppermann, nuk komentoi raportimet për përplasje të ashpra brenda koalicionit, por pranoi për ARD se kishte pasur diskutime intensive. Sipas saj, ulja e taksës së energjisë elektrike përfaqëson një përpjekje të madhe financiare.
Duke iu referuar faktit se ende nuk është siguruar financimi për vitin 2028, ajo deklaroi se Komisioni i Koalicionit nuk mund të zgjidhë brenda natës sfidat e buxhetit federal apo të mbyllë hendekun ekzistues financiar.
Edhe kryetari i CSU-së, Markus Söder, e vlerësoi marrëveshjen si një sukses.
"CSU e mban fjalën e dhënë", shkroi ai në platformën X. Sipas tij, nga ulja e taksës së energjisë elektrike do të përfitojnë familjet, pensionistët dhe ekonomia e mesme.
Ndërkaq, bashkëkryetarja e Partisë së Gjelbër, Franziska Brantner, e kritikoi vendimin, duke e cilësuar atë si dëshmi të mungesës së efektivitetit të qeverisë federale. Sipas saj, një lehtësim i kufizuar në kohë nuk ofron siguri planifikimi për qytetarët dhe bizneset.
Kreu i institutit Ifo: "Ndihmon ekonominë"
Presidenti i institutit ekonomik Ifo në Mynih, Clemens Fuest, tha se ulja e taksës së energjisë elektrike është ekonomikisht e arsyeshme.
"Sapo taksa mbi energjinë elektrike rritet, ajo frenon procesin e elektrifikimit dhe krijon efekte të padëshiruara ekonomike", tha ai.
Sipas Fuest, lehtësimi i familjeve dhe i ndërmarrjeve të vogla e të mesme mund të kontribuojë në rimëkëmbjen ekonomike. Megjithatë, ai paralajmëroi se ulja afatgjatë e taksave është e mundur vetëm nëse reduktohen edhe shpenzimet publike.
"Nuk po shohim mjaftueshëm disiplinë buxhetore", kritikoi ai.
Edhe nënkryetari i grupit parlamentar të Partisë së Majtë në Bundestag, Sören Pellmann, e përshëndeti vendimin, por theksoi se ai duhej të ishte marrë shumë më herët dhe se nuk mjafton për të kompensuar rritjet e ndjeshme të çmimeve të viteve të fundit.
Sipas tij, një ulje e qëndrueshme e çmimeve të energjisë elektrike është e mundur vetëm nëse kostot e energjisë reduktohen në mënyrë strukturore. Ai kritikoi qeverinë se nuk po guxon të reformojë mekanizmin aktual të formimit të çmimeve.
Në marrëveshjen e koalicionit, CDU/CSU dhe SPD kishin rënë dakord që taksa e energjisë elektrike të ulej për të gjithë konsumatorët. Megjithatë, për shkak të kufizimeve buxhetore, ulja fillimisht u zbatua vetëm për industrinë, bujqësinë dhe pylltarinë.
Kufiri maksimal i çmimit të karburantit
Marrëveshja duhet të përfshihet në buxhetin federal për vitin 2027, i cili tashmë është miratuar nga Komisioni i Buxhetit. Bundestagu pritet ta miratojë përfundimisht më 27 nëntor.
Ndërkohë, kufiri maksimal i çmimit të karburantit është planifikuar të zbatohet fillimisht për një periudhë prej tre muajsh dhe të hyjë në fuqi më 1 janar 2027.
Sipas vendimit të Komisionit të Koalicionit, Qeveria Federale duhet të miratojë më 2 dhjetor projektligjin dhe rregulloren përkatëse që do të mundësojnë aktivizimin e këtij mekanizmi nga 1 janari 2027.
Kjo masë synon t'i përgjigjet situatës së jashtëzakonshme të krijuar nga zhvillimet në Ngushticën e Hormuzit.
Megjithatë, baza ligjore për këtë mekanizëm do të jetë e vlefshme vetëm për dymbëdhjetë muaj. Vetë rregullorja do të skadojë pas tre muajsh dhe para përfundimit të afatit do të vlerësohet nëse duhet të zgjatet.
"Siguria e furnizimit duhet të garantohet në çdo kohë", thuhet në dokument. Për këtë arsye, landët federale do të kenë mundësinë të marrin parasysh specifikat rajonale dhe të përcaktojnë kufij maksimalë të çmimeve sipas nevojave lokale.
Kjo masë synon të plotësojë projektligjin e Ministres së Ekonomisë, Katherina Reiche (CDU), të cilin SPD e kishte kritikuar si jo mjaftueshëm efektiv.
Në fund të dhjetorit skadon edhe zbritja aktuale për karburantin, e cila është në fuqi që nga fillimi i tetorit.
Ende pa marrëveshje për pensionet
Sa i përket çështjeve të tjera të hapura brenda koalicionit, si reforma e pensioneve dhe kompensimi i efekteve të të ashtuquajturit "progresion i ftohtë" në sistemin tatimor, nuk u arrit asnjë marrëveshje.
Në një mesazh drejtuar deputetëve, drejtuesit e grupeve parlamentare të CDU/CSU dhe SPD shkruan: "Ne do t'i diskutojmë të gjitha temat e tjera në organet përkatëse gjatë ditëve në vijim."/DW
Ushtarë qëndrojnë para prototipit të transportuesit të blinduar “Lazar”, të kompanisë Jugoimport - fotografi nga...
Vladimir Putin dhe homologu i tij kinez Xi Jinping RUSI- Presidenti rus Vladimir Putin dhe homologu i tij kinez Xi Jinping kanë ashpërsuar kritikat ...
Nënsekretari amerikan i Mbrojtjes, Elbridge Colby Një zyrtar i lartë i Pentagonit u ka thënë aleatëve të NATO-s se Moska ka...
Alice Weidel Suksesi i Alternativës për Gjermaninë (AfD) në zgjedhjet e fundit e bën gjithnjë e më të mundshme q...
Foto ilustruse Deutsche Bank po përballet sërish me akuza për praktika të dyshimta biznesi. Bëhet fjalë për marrëdh&eu...
Pamje BRAZIL- Një ngjarje e pazakontë është regjistruar në pyllin tropikal të Amazonës në Brazil, ku rreth 20 anë...
Pamje RUSI- Një operacion i mirëorganizuar ushtarak ukrainas, i përgatitur për disa javë, ka shkaktuar dëme të më...
Foto ilustruse KUVAJT- Një tjetër valë sulmesh ushtarake është regjistruar herët këtë të mërkurë në...
Foto ilustruse SHBA- Shtetet e Bashkuara kanë humbur statusin e vendit që kishte eliminuar fruthin, për herë të parë që pre...
Foto ilustruse FRANCA- Rreth 15 mijë persona janë arrestuar në Francë gjatë protestave kundër masave shtrënguese ekonomike ...