Nuk ndalet revolta/ Qytetarët mblidhen sërish para Kryeministrisë, tensione dhe përplasje me policinë
“Më goditën në kokë dhe më shanin”/ 16-vjeçari tregon dhunën në polici: Më gjobitën 5 mi...
“Më goditën në kokë dhe më shanin”/ 16-vjeçari tregon dhunën në polici: Më gjobitën 5 mi...
"Të relaksohemi"/ Mickoski pyetet për incidentin e himnit në Pustec: Nuk e kemi ndjekur aktivitetin deri në fund, por ne i vlerë...
Lëvizje në Bashkinë e Tiranës/ Veliaj firmos shkarkimin e dy drejtuesve, në pikëpyetje edhe e ardhmja e drejtoresh&...
Ironia e studentëve protestues/ Improvizojnë manekinin me fotografinë e Ramës, tentojnë ti vënë flakën 21 ...
Në një konferencë për media në Pentagon, më 10 nëntor, Hegseth argumentoi se asnjë sekretar amerikan i Mbrojtjes nuk ishte shkarkuar për udhëheqjen e operacioneve ushtarake që ai i cilësoi të ligjshme.
SHBA- Sekretari amerikan i Mbrojtjes, Pete Hegseth, përmendi ndërhyrjen ushtarake në Kosovë më 1999, gjatë presidencës së Bill Clintonit, teksa mbrojti veten nga një nismë për shkarkimin e tij, e iniciuar nga një kongresist i Partisë Republikane.
Në një konferencë për media në Pentagon, më 10 nëntor, Hegseth argumentoi se asnjë sekretar amerikan i Mbrojtjes nuk ishte shkarkuar për udhëheqjen e operacioneve ushtarake që ai i cilësoi të ligjshme.
“Asnjëherë, me apo pa rezolutë për kompetencat e luftës. As nën Reaganin në Liban, as nën Clintonin në Kosovë, as nën Obamën në Irak dhe Siri, as nën Bidenin në Irak dhe Siri. Ky është standardi”, tha Hegseth.
Ai iu referua ndërhyrjeve të mëparshme amerikane për të kundërshtuar përpjekjen për shkarkimin e tij, të cilën e cilësoi si mosmarrëveshje politike dhe jo si çështje të shkeljes së ligjit.
Shtetet e Bashkuara udhëhoqën fushatën ajrore të NATO-s kundër forcave jugosllave në vitin 1999, gjatë luftës në Kosovë.
Ndërhyrja 78-ditore synonte t’i jepte fund dhunës dhe dëbimit të shqiptarëve të Kosovës nga forcat serbe.
Deklarata e Hegsethit vjen pasi kongresisti republikan, Thomas Massie, paraqiti më 9 nëntor tetë akuza për shkarkimin e sekretarit të Mbrojtjes, duke e akuzuar atë për shkelje të Kushtetutës dhe ligjeve amerikane, gjatë udhëheqjes së operacioneve ushtarake.
Akuzat lidhen kryesisht me luftën e Shteteve të Bashkuara kundër Iranit, përfshirë pretendimin se operacionet janë zhvilluar pa autorizimin e Kongresit.
Massie ngriti gjithashtu shqetësime për sulmet amerikane ndaj anijeve të dyshuara për trafikim droge në Karaibe dhe Paqësor, operacionet në Jemen e Venezuelë dhe trajtimin e viktimave civile.
Hegseth i hodhi poshtë akuzat, duke këmbëngulur se operacionet ishin të ligjshme, të urdhëruara nga presidenti Donald Trump dhe të zbatuara nga ushtria amerikane.
“Ajo që po përpiqet të bëjë një kongresist i pakënaqur dhe i mundur, nuk është mbikëqyrje dhe as kërkim llogarie. Është një spektakël politik, një manifest personal i nxitur nga egoja dhe pakënaqësia”, tha ai.
Ai e përshkroi nismën si përpjekje për të dëmtuar presidentin Trump dhe forcat e armatosura amerikane.
Sipas Hegsethit, dallimet mbi politikat ushtarake duhet të trajtohen përmes legjislacionit, debatit dhe zgjedhjeve, jo përmes procedurave të shkarkimit.
Sekretari amerikan i Mbrojtjes kundërshtoi edhe pretendimet për sulme ndaj civilëve, duke thënë se ato përbëjnë akuza të pabaza ndaj pjesëtarëve të ushtrisë që kanë zbatuar urdhrat.
Ai mbrojti operacionet kundër Iranit dhe sulmet ndaj anijeve të dyshuara për trafikim droge, duke i paraqitur si masa për mbrojtjen e sigurisë amerikane.
Hegseth paralajmëroi, gjithashtu, se forcat amerikane mbeten të gatshme të veprojnë, nëse Irani përshkallëzon konfliktin.
Presidenti Trump i ka dalë në mbrojtje sekretarit të tij të Mbrojtjes, duke vlerësuar veprimet e tij në Iran dhe Venezuelë dhe duke kundërshtuar nismën për shkarkim.
Dhoma e Përfaqësuesve pritet të votojë deri më 11 nëntor për nismën kundër Hegsethit. Republikanët mund të kërkojnë bllokimin e saj ose dërgimin për shqyrtim në komision, pa kaluar domosdoshmërisht në votimin për shkarkim.
Për shkarkimin e një zyrtari të lartë amerikan, fillimisht nevojitet miratimi i akuzave nga shumica e Dhomës së Përfaqësuesve.
Më pas, Senati duhet ta shpallë fajtor me shumicë prej dy të tretash për ta larguar nga detyra.
Nisma është veçanërisht e ndjeshme për administratën Trump, pasi është ndërmarrë nga një kongresist i partisë së presidentit, pas humbjeve të republikanëve në zgjedhjet e mesmandatit, më 3 nëntor./REL
PARIS- Kryeministri Edi Rama është pritur nga Presidenti francez Emmanuel Macron në Pallatin Elysee në Paris, ndërsa ka publikuar...
Albin Kurti KOSOVË- Kryeministri i Kosovës, Albin Kurti i ka bërë thirrje udhëheqjes së re të Serbisë që të ...
Ilir Meta TIRANË- Ish-presidenti, Ilir Meta ka renditur propozimet e tij për reformën zgjedhore, duke kërkuar ndryshime të thell...
TIRANË- Kërkesa e kryetarit të Bashkisë së Tiranës, Erion Veliaj, për të marrë pjesë në Asamblenë e...
BRUKSEL- Klima politike në Shqipëri, lufta kundër korrupsionit dhe protestat kanë qenë në fokus të deklaratave të ...
KOSOVË- Konsultimet e Kosovës me Bashkimin Evropian për ndryshimet në Ligjin për Dhomat e Specializuara mund të shërbejn&eum...
Edi Rama PARIS- Kryeministri Edi Rama u pyet gjatë Forumit të Paqes në Paris për krijimin e Shtetit Bektashi në Shqipëri. Në...
PARIS- Kryeministri Edi Rama deklaroi nga Parisi se anëtarësimi i Shqipërisë në Bashkimin Europian mbetet alternativa e vetme strategj...
Edi Rama PARIS- Kryeministri Edi Rama ka vlerësuar rolin e Ukrainës në përballjen me agresionin rus, duke theksuar se vendit duhet t&rsquo...
Edi Rama PARIS- Kryeministri Edi Rama gjatë Forumit të Paqes në Paris u ndal edhe te marrëdhëniet me vendet fqinje dhe ç&eum...