LIVE UPDATES
Aktualitet

REL: Shqipëria përparon drejt BE-së. Çfarë presin qytetarët nga ky përparim?

 Për Shalën, kostoja e jetesës dhe qasja në shërbime publike mbeten shqetësime të përditshme, teksa Shqipëria shënon përparim drejt anëtarësimit në Bashkimin Evropian.

21 November 2026, 14:47 Nga E. D

REL: Shqipëria përparon drejt BE-së. Çfarë presin

Klodiana Shala del nga Shqipëria të paktën një herë në muaj për të blerë ushqime. Ish-atletja, sot sipërmarrëse, thotë se blen kryesisht në Kosovë, ku, sipas saj, gjen çmime më të ulëta dhe produkte më cilësore.

“Unë një herë në muaj, ndonjëherë më shpesh dal jashtë kufijve… në Greqi, Itali, Maqedoni të Veriut, por kryesisht në Kosovë. Çmimet e ushqimeve janë thuajse përgjysmë, ka një ndryshim të madh qoftë në çmim dhe cilësi”, tregon ajo për Radion Evropa e Lirë (REL).

Në Shqipëri, ajo thotë se e ndien më shumë mungesën e shërbimeve për të cilat tashmë paguan, sidomos në shëndetësi.

“Unë paguaj një shumë të konsiderueshme për sigurimet shëndetësore dhe marr shërbime minimale. Në spitale mund të bësh një analizë të thjeshtë gjaku, kurse për të tjerat të drejtojnë te privati, ku shërbimi është shumë i shtrenjtë”, thotë Shala.

Për Shalën, kostoja e jetesës dhe qasja në shërbime publike mbeten shqetësime të përditshme, teksa Shqipëria shënon përparim drejt anëtarësimit në Bashkimin Evropian.

Vendi i ka hapur të 33 kapitujt e negociatave dhe i ka mbyllur përkohësisht katër prej tyre. Qeveria synon t’i përmbyllë negociatat deri në fund të vitit 2027.

Nga kapitujt e negociatave te kushtet e jetesës

Kostoja e jetesës dhe cilësia e shërbimeve publike janë ndër çështjet e ngritura në protestat që vazhdojnë prej afro gjashtë muajsh para Kryeministrisë në Tiranë, ku kërkohet largimi i qeverisë së Edi Ramës.

Protestat nisën në maj kundër një projekti turistik në zonën e mbrojtur të Zvërnecit. Në tetor, protestat e udhëhequra nga studentët sollën në shesh edhe pakënaqësi të grumbulluara ndër vite për kushtet e jetesës në Shqipëri.

Për Irini Myftarajn, studente e gazetarisë dhe pjesëmarrëse në protesta, mungesa e shërbimeve publike bazë është ndër pakënaqësitë kryesore.

“Ne dhe familjet tona çdo ditë përballemi me situatën në spitale. Aty nuk ka vigona nëpër spitale, nuk ka doreza, na kërkohet të blejmë vetë ilaçet. Por ndërkohë flasim për investime strategjike”, thotë Myftaraj për REL.

Ajo e lidh mungesën e shërbimeve me mënyrën se si qeveria i përcakton përparësitë e investimeve publike. Teksa vlerëson se investimet strategjike mund të sjellin përfitime, kërkon transparencë për to dhe përparësi për shërbimet bazë.

“Së pari siguro kushtet bazë të jetesës, pastaj flasim edhe për investime strategjike, për të cilat duhet të na thuhet sa fitojnë vërtetë shqiptarët”, thotë ajo.

Shala dhe Myftaraj u përkasin brezave të ndryshëm dhe të dyja e mirëpresin përparimin e Shqipërisë drejt BE-së. Por, presin që ai të shoqërohet me përmirësime të prekshme në jetën e tyre të përditshme.

Shqetësimet për shëndetësinë pasqyrohen edhe në raportin vjetor të Komisionit Evropian për Shqipërinë, të publikuar më 4 nëntor. Krahas përparimit të vendit drejt anëtarësimit, raporti evidentoi se kujdesi parësor mbetet i nënfinancuar dhe se spitalet vazhdojnë të përballen me mungesa të barnave thelbësore dhe të pajisjeve mjekësore.

Për Geron Kamberin, ekspert i integrimit evropian, anëtarësimi në BE nuk është një shkop magjik që zgjidh automatikisht problemet e vendit. Sa do ta ndiejnë qytetarët afrimin me BE-në varet, sipas tij, nga mënyra se si Shqipëria i zbaton reformat gjatë negociatave.

Përkundër përparimit të shpejtë në negociatat për anëtarësim, thotë ai, vendi ka ende punë për t’u përafruar me standardet evropiane në fusha që ndikojnë në kushtet e jetesës, si transporti, mjedisi dhe shërbimet sociale.

Kamberi e lidh përshpejtimin e negociatave edhe me vëmendjen më të madhe të BE-së ndaj sigurisë pas pushtimit në shkallë të gjerë të Ukrainës nga Rusia në shkurt të vitit 2022. Sipas tij, zgjerimi ka marrë rëndësi më të madhe si pjesë e sigurisë evropiane, duke u dhënë shtysë bisedimeve me vendet kandidate.

Megjithatë, në leximin e Kamberit, raporti i Komisionit nxjerr në pah hendekun mes përparimit formal në negociata dhe zbatimit të reformave në disa fusha.

“Ndërsa Shqipëria ka arritur objektiva historike në procesin formal të anëtarësimit, Brukseli vëren se përmbushja e plotë e standardeve evropiane kërkon rezultate më të qëndrueshme në qeverisje, ekonomi dhe shtetin e së drejtës”, thotë Kamberi për REL.

Qeveria shqiptare e cilësoi raportin si më të mirin që Shqipëria ka marrë deri më tani, duke e paraqitur si konfirmim se negociatat po i afrohen fazës përmbyllëse.

Të ndërtosh të ardhmen në Shqipëri

Për Myftarajn, një nga shenjat më të rëndësishme të përparimit do të ishte që të rinjtë të kishin mundësi të ndërtonin një jetë në Shqipëri.

Ajo thotë se shumë prej bashkëmoshatarëve të saj largohen sepse nuk shohin perspektivë në vend.

Sipas raportit të Komisionit Evropian, në vitin 2025, rreth një në pesë të rinj të moshës 15–29 vjeç nuk punonte dhe nuk ndiqte as shkollim, as formim profesional.

Raporti vëren gjithashtu se emigrimi i punonjësve të kualifikuar dhe rënia demografike po e pakësojnë fuqinë punëtore.

Shala thotë se shumë prej miqve të saj janë larguar për të siguruar kushte më të mira jetese. Ajo vetë zgjodhi të qëndrojë.

Shala është një nga emrat e njohur të atletikës shqiptare, por sot thotë se dy dekadat që i kushtoi atletikës nuk i njihen si vite pune.

“Angazhimi im në atletikë nisi në 1993 dhe ka vijuar për dy dekada. Gjithë ky angazhim, unë nuk figuroj e siguruar, nuk më njihen si vite pune”, thotë Shala.

Për vendimin për të qëndruar, ajo jep një arsye të thjeshtë. “Se e dua vendin tim”.

Pas atletikës, Shala nisi të punonte në sektorin privat dhe hapi biznesin e saj. Ajo thotë se nga institucionet do të kishte dashur të gjente edhe mbështetje për ta zhvilluar biznesin.

“Punoj nga ora 6 e mëngjesit deri në 22 të darkës. Bëj dy punë, dhe kur bëj bilancin rezulton se unë punoj për mbijetesë. Ky është një tjetër zhgënjim jashtëzakonisht i madh”, thotë ajo.

Myftaraj dëshiron që brezi i saj të ketë mundësi të bëjë të njëjtën zgjedhje si Shala dhe të qëndrojë në Shqipëri pa u zhgënjyer.

“E duam Bashkimin Evropian, por duam të jetojmë këtu në vendin tonë dhe jo të ikim si emigrant diku tjetër. Duam të ndjehemi pjesë e Bashkimit Evropian duke jetuar në vendin tonë”, thotë ajo./REL

Sondazh

Të shpallur në kërkim ndërkombëtar, arrestohen dy persona në Vorë dhe Shkodër

Të shpallur në kërkim ndërkombëtar, arrestohen dy persona në Vorë dhe Shkodër

Rama sqaron deklaratën: Mendimi im, nuk i japim leksione qeverisë maqedonase për vendimet...

Mickoski pyetet për incidentin e himnit në Pustec: Nuk e kemi ndjekur aktivitetin deri në fund...

Rama përballet me gazetarin në Qafë Thanë: Çfarë je ti, protestues?

“One Stop Shop”/ Mickoski: Është kënaqësi që po bëjmë ketë bashkëpunim për një pikë kontrolli...

Kërcënoi bashkëshorten se do ta vriste dhe qëlloi me armë në ajër, arrestohet 40-vjeçari...

Vodhën sende me vlerë dhe 30 mijë euro në një banesë, arrestohen dy persona në Durrës

Aksident në Fier/ Makina del nga rruga dhe përfundon në kanal, mister fati i drejtuesit

Nis nga nesër “One Stop Shop” me Maqedoninë e Veriut, Rama: Kemi shumë gjëra që duhet t'i bëjmë...

Rama mbërrin në Qafë Thanë, takim me Mickoskin, në fokus sistemi i përbashkët kufitar...

Me flamurin kuqezi në duar, protestuesit ngjiten në monumentin e Skënderbeut

Tensione në protestë/ Policia hyn në lokale dhe shoqëron protestuesit me forcë

Rama: Tirana që do të fitojmë në 9 maj kërkon fuqi të madhe qeverisjeje në 10 maj

Protestuesit zhvendosen tek Kryeministria/ Policia vendos kordone në akse kryesore rrugore

"Kemi nevojë për një PS më të organizuar"/ Rama: Rruga e Durrësit sot, si një film i së shkuarës

Rama: Tiranën e transformuar nga vendi i mbijetesës në vendin që kërkon cilësi

“Ndal plaçkitjes, shtypjes, ikjes/Protestuesit ngrenë banderolen gjigande para Ministrisë së Arsimit

Policia “gardh” para Ministrisë së Arsimit, nuk lejon protestuesit të bllokojnë Rrugën e Durrësit

Rama nga Asambleja e PS-së: Vit pas viti do të dyfishojmë rritjen e pensioneve

Revoltat kundër qeverisë Rama, protestuesit mblidhen te Ministria e Arsimit

"Deri në 2030 do japim 55 mijë celësa"/ Rama: Mbështetje për fëmijët me aftësi të kufizuara

"Kanë mbajtur mbi shpinë Shqipërinë me kockat e varfërisë së vet"/Rama:Jemi në borxh me pensionistët

“Poshtë diktatura”/ Studentët e presin me thirrje pasi doli nga Asambleja, Rama i përshëndet me dorë

Rama: PS do ta fitojë sërish Tiranën dhe Shqipërinë se është rruga nga kalon bashkimi me Europën

Rama: Me trëndafilin në dorë dhe kurajën në zemër, asgjë s’na ndal

Rama: Kemi bërë gabime dhe faje, por kemi aftësinë të ringrihemi

"Goditja e njerëzve në krye të detyrës nuk falet"/ Rama: Erion Veliaj je në gabim!

Elisa Spiropali dhe Plarent Ndreca jashtë PS-së/ Rama e konfirmon nga Asambleja e Tiranës

Rama: Kush do të sillet si e ëma e Zeqos në majë të thanës, s’ka vend në këtë familje politike

Rama: Si mund të largohet nga puna kryepolicja e Tiranës pse nuk u bën ‘like’ e ‘share’

"Veliaj ta kuptojë se është gabim me PS-në"/ Rama: Kush ndjek këtë kuturisje do ndëshkohet

Rama: Vendimi i GJK-së për ta lënë Veliajn në detyrë është absurd

Mbërrijnë socialistët te Akademia e Arteve, kontrolle në hyrje dhe prani e shtuar e policisë

Berisha: Pas 35 vitesh, rikthehet partia-shtet,ekipet ndërkombëtare damkosën zgjedhjet e 11 majit

Peleshi u përgjigjet kritikave të Spiropalit: Në parlamentin shqiptar politika bëhet personale

Revolta studentore në Tiranë/ Qytetarët njëzërëshi: Në 28 nëntor ne do dalim

Qytetarët vijojnë marshimin në rrugët e Tiranës, policia i ndjek nga mbrapa

Përplasje në protestën përpara Kryeministrisë, policia zhvendos protestuesit nga Bulevardi

Protesta tek Kryeministria/Qytetarët shtyhen më forcë, focat policore nuk lejojnë protestën paqësore

Debat në Komisionin e Ligjeve për aktin normativ të tubimeve/ Bylykbashi: Rama nuk i përballon...

Pas reshjeve të dendura të shiut, hapet njëra nga portat e HEC-it të Komanit

Kanosi me armë zjarri një 31-vjeçar, arrestohet 20-vjeçari në Tiranë, procedohet penlisht i ati

Elementët dekorativë shkëputen nga fasada e pallatit në Durrës, bien mbi një makinë...

Ish-kandidati për Bashkinë e Himarës paraqitet në SPAK, ende pa detaje mbi arsyen e thirrjes

Arrestohet 25-vjeçari, do t'i merrte 1 mln euro një biznesmeni duke iu prezantuar si funksionar...

Përplasje tek Kryeministria/ Efektivët e policisë presin me forcë protestuesit, i shtyjnë me dhunë

Policia nuk i la të protestonin te Kryeministria, qytetarët marshojnë mes për mes makinave në rrugë

Policia i shtyn me forcë në trotuar, protestuesit thirrje: Poshtë diktatura

Greta Thunberg: Shqiptarët kanë treguar se çfarë do të thotë t'i rezistosh shkatërrimit të natyrës

Protestat qytetare në Tiranë/ Protestuesit mblidhen para Kryeministrisë

Balla përplaset me Shehajn: A do ta votosh kërkesën e prokurorisë italiane...

Berisha: Rreth 1 miliard euro do jenë shpenzime operative për hajdutët e administratës...

Berisha: Rrogat e ulëta duhet të rriten me 50%, rrogat e mesme me 30%!

Berisha: Buxheti nuk është 10 miliardë euro, por 5.5 miliardë! Pensionistët marrin 1 përqind...

Drogë në berberhane, thika në servis dhe përforcues grushti në banesë, arrestohet 44-vjeçari...

Marshimi paqësor i protestuesve / Forcat e policisë i ndjekin nga pas me furgona të shumtë

Protestuesit vijojnë marshimin në rrugët e Tiranës, efektivët i ndjekin nga mbrapa

"Pediatria me legen se nuk ka ujë lavamani"/ Korreshi për spitalin e Lushnjes

Tensionohet situata te Kryeministria/ Policia shtyn me forcë protestuesit paqësorë

Protestuesit zhvendosen te kryeministria, policia iu bën thirrje të lirojnë bulevardin