3 November 2026, 10:09
Nga Irena Beqiraj

Në historinë e Benito Mussolinit ka një episod që meriton të kujtohet sa herë flasim për marrëdhënien mes një udhëheqësi dhe njerëzve që kanë qenë pjesë e ndërtimit të pushtetit të tij.
Është historia e vrasjes së deputetit socialist Giacomo Matteotti, në qershor të vitit 1924. Matteotti ishte një nga kundërshtarët më të vendosur të fashizmit. Ai kishte denoncuar manipulimin e zgjedhjeve, dhunën politike dhe korrupsionin e regjimit. Pas rrëmbimit dhe vrasjes së tij, hetimet çuan te një grup njerëzish të lidhur drejtpërdrejt me strukturat e pushtetit fashist. Në krye të grupit ishte Amerigo Dumini.
Por pas arrestimit të tyre, historia bëhet edhe më interesante.
Historiani italian Mauro Canali, një nga studiuesit e çështjes Matteotti, përshkruan një marrëdhënie shantazhi të ndërsjellë mes Mussolinit dhe njerëzve të tij të arrestuar. Bashkëpunëtorët e burgosur kërcënonin se do të flisnin nëse Mussolini nuk ndërhynte për t'i mbrojtur dhe për t'i nxjerrë nga burgu. Ata dinin shumë. Mbijetesa politike e Duçes varej, të paktën pjesërisht, nga heshtja e tyre.
Mussolini, nga ana tjetër, u përcillte një mesazh po aq të qartë: nëse ai rrëzohej, ata do të mbeteshin në burg; nëse ai mbijetonte politikisht, do të gjente një mënyrë për t'i shpëtuar.
Marrëveshja ishte e heshtur, por e kuptueshme: ju merrni përsipër përgjegjësinë, nuk flisni për mua dhe unë do të kujdesem për ju.
Një lloj kontrate që nuk kishte nevojë për noter , ku njëri mbante pushtetin dhe të tjerët mbanin sekretet.
Gati një shekull më vonë, në Shqipëri, konflikti mes Edi Ramës dhe Erion Veliajt, ndonëse në rrethana historike dhe politike krejt të ndryshme, sjell në vëmendje një mekanizëm të ngjashëm ku pushteti të bën bashkëpunëtor, frika të bën besnik sekretet të bëhen pranga, edhe mosbindja burgim i përjetshëm !
Sipas versionit të bërë publik nga avokati Plarent Ndreca, ministri i Drejtësisë Toni Gogu ka vizituar Veliajn në burgun e Fierit dhe i ka përcjellë një mesazh të kryeministrit. Mesazhi përmbante kërkesën për dorëzimin e mandatit, delegimin e pushtetit te persona të përcaktuar prej tij dhe heqjen dorë nga avokati mbrojtës. Në të kundërt, sipas këtij versioni, pasonin kërcënime për transferim në një burg tjetër dhe për orientimin e SPAK-ut drejt hetimeve të reja.
Rama dhe Veliaj kanë qenë për vite pjesë të së njëjtës strukturë pushteti. Veliaj nuk ishte thjesht një kryetar bashkie i zgjedhur nga socialistët. Ai ishte një nga figurat më të rëndësishme të projektit politik të Ramës, një nga njerëzit që mishëronin vazhdimësinë dhe suksesin e këtij projekti në Tiranë.
Haptazi sot pushteti i personalizuar i Ramës shfaq të njëjtën logjikë të veçantë si në rastin e Musolinit : bashkëpunëtori është i vlefshëm për aq kohë sa është i dobishëm dhe i bindur. Kur kërkon autonomi, bëhet problem. Kur kundërshton, trajtohet si tradhtar dhe kur di shumë, bëhet edhe më i papërshtatshëm.
Vazhdimi dihet . Sikurse tregon historia Musolini nuk u ndal .Në vitin 1943, kur regjimi po shembej, një pjesë e bashkëpunëtorëve të tij votuan kundër tij në Këshillin e Madh Fashist, mes tyre ishte edhe Galeazzo Ciano, ish-ministër i Jashtëm dhe dhëndri i Mussolinit. Mussolini organizoi Procesin e Veronës. Pesë nga ata që kishin votuar kundër tij u dënuan me vdekje dhe u pushkatuan.
Ndërsa pretendimi për përfshirjen e ministrit të Drejtësisë në një konflikt mes kryeministrit dhe një ish-bashkëpunëtori të tij, i cili ndodhet në burg, e bën ngjarjen e Fierit edhe më të rëndë.
Ministri i Drejtësisë, ka një funksion kushtetues dhe institucional. Nuk është korrier politik, aq më pak shpërndarës porosish në qelitë e burgjeve.
Nëse versioni i Veliajt provohet, atëherë kemi të bëjmë me një problem që shkon shumë përtej një konfliktit brenda Partisë Socialiste. Kemi një situatë ku kufiri mes përgjegjësisë institucionale dhe shërbimit ndaj interesave politike është zhdukur përfundimisht.
mësimet edhe pas 100 vitesh mbeten të hidhura: pushteti personal bëhet më i rëndësishëm se institucionet, edhe bashkëpunëtorët më të afërt mund të kthehen në pengjet e tij, dhe kur politika shndërrohet në një marrëdhënie pengmarrjeje të ndërsjellë, demokracia është ajo që rrezikon të mbetet pengu i fundit.
Mussolini edi rama irena beqiraj
Editorial
29 October 2026, 11:17
Auron Janku
Auron Janku
Në daljen e tij të fundit publike, Kryeministri iu drejtua një pjese të popullit të pakënaqur me fjalët “...
Editorial
27 October 2026, 13:48
Meri Lika
Meri LIka
Sot, ndërsa Tirana ende mban gjurmët e protestave të javëve të fundit, qeveria e nisi ditën me një lajm për ...
Editorial
26 October 2026, 11:25
Agim Nesho
Aleksandër Vucic nuk ishte vetëm një lider i fortë nacionalist në Ballkan. Ai ishte përfaqësues dhe zbatues i një proje...
Editorial
26 October 2026, 10:20
Meri Lika
Meri Lika
Ekziston një metaforë e fuqishme që ka përshkuar dekadat, duke u shndërruar në sinonim të dinjitetit të pap&...
Editorial
22 October 2026, 17:23
Zef Preci
Zef Preci
Modelet shoqërore dhe protestat
Në shkencat sociale e politike, “role model” është personi që merret si s...
Editorial
22 October 2026, 10:10
Auron Janku
Kur revolta duhet t’i hapë rrugën mosbindjes civile
Ka një çast në jetën e çdo shoqërie kur pakënaqë...
Editorial
21 October 2026, 13:20
Agim Nesho
Agim Nesho
Kur Rama & Co. e quajtën revolucionin e studentëve Antifa, me qëllim ta barazonin revoltën në Shqipëri si në...
Editorial
21 October 2026, 10:34
Irena Beqiraj
Irena Beqiraj
Në demokraci, partitë vijnë në pushtet me votë jo individi . Kur mandati elektoral katandiset në kontratë pro...
Editorial
19 October 2026, 17:15
Auron Janku
Auron Janku
Qeveria nuk mund të flasë si opozitë ndaj rreziqeve që ka detyrë të administrojë. Vota është akt...
Editorial
16 October 2026, 18:06
Irena Beqiraj
Irena Beqiraj
Sot është turp të jesh socialist !
Teksa shikoj videot e të rinjve që hiqen zvarrë, ndiej turp për të ma...